നാട്ടുകാര്‍ക്ക് ആവേശമായി കുറ്റിക്കടവില്‍ ഊര്‍ച്ചമത്സരം
മാവൂര്‍ പഞ്ചായത്തിലെ കുറ്റിക്കടവിലെ പരേതനായ ഒ.സി. മൊയ്തീന്‍കുട്ടിഹാജിയുടെ വയലിലാണ് മൂരിക്കാളകളെ ഉപയോഗിച്ചുള്ള ഊര്‍ച്ചമത്സരം അരങ്ങേറിയത്. മുക്കില്‍ കരിയാത്തന്‍ ബ്രദേഴ്‌സ് ക്ലബ്ബാണ് മത്സരം സംഘടിപ്പിച്ചത്.
വ്യത്യസ്തതരത്തിലുള്ള മൂരികളെക്കൊണ്ട് ഊര്‍ച്ചനടത്തിയാല്‍ പൊന്നിന്‍മേനി നെല്ല് വിളയുമെന്നാണ് പാരമ്പര്യകര്‍ഷകര്‍ പറയുന്നത്. മലപ്പുറം, കോഴിക്കോട് ജില്ലകളില്‍ നിന്നായി 12 ജോഡി ഉരുക്കള്‍ മത്സരത്തില്‍ പങ്കുകൊണ്ടു.
പങ്കെടുത്ത എല്ലാ ഉരുക്കളും ഒരേനിലയില്‍ മികച്ച മത്സരം കാഴ്ചവെച്ചതിനാല്‍ സംഘാടകര്‍ക്ക് സമ്മാനാര്‍ഹരെ തീരുമാനിക്കാനായില്ല. മത്സരം ഗ്രാമപ്പഞ്ചായത്ത് പ്രസിഡന്റ് സി. മുനീറത്ത് ഉദ്ഘാടനംചെയ്തു.
കാവാട്ട് അബ്ദുള്‌റഷീദ് അധ്യക്ഷതവഹിച്ചു. ഷാക്കിര്‍ പാറയില്‍്, പെരുവാട്ടില്‍കുഞ്ഞന്‍, എം. ഹുസൈന്‍ ഹാജി, അബ്ദുറഹിമാന്‍, പി. അബ്ദുസലാം കാവാട്ട്, കെ. ജംഷാദ് എന്നിവര്‍ പ്രസംഗിച്ചു.
https://www.facebook.com/Malayalivartha
