നെഞ്ചിടിപ്പോടെ മാത്രമേ ആ സംഭവം കാണാന്‍ സാധിക്കൂ...രണ്ട് പാസ്സഞ്ചര്‍ ജെറ്റുകള്‍ ഒരേ റൂട്ടില്‍ സഞ്ചരിക്കുന്നു. നൂറുകണക്കിന് യാത്രക്കാരുമായാണ് ഇരുവിമാനങ്ങളും എയര്‍പോര്‍ട്ടില്‍ നിന്നും പറന്നുയര്‍ന്നത്.

ക്രിസ് ഹിനെ എന്ന എഴുപതുകാരിയാണ് ഈ ത്രസിപ്പിക്കുന്ന സംഭവത്തിന്റെ ചിത്രം പകര്‍ത്തിയത്. തന്റെ ഗാര്‍ഡനില്‍ നില്‍ക്കുകയായിരുന്നു ഹിനെ. പക്ഷെ മുകളിലേക്ക് നോക്കിയപ്പോഴാണ് അത് ശ്രദ്ധയില്‍ പെട്ടത്. രണ്ട് വിമാനങ്ങളും ഒരേ പാതയിലേക്ക് പറക്കുന്നു. ഹിനെ ഉടന്‍ തന്റെ ക്യാമറയെടുത്ത് സംഭവം പകര്‍ത്തുകയായിരുന്നു.

പരസ്പരം കൂട്ടിമുട്ടുമെന്ന സ്ഥിതിയായപ്പോള്‍ സെക്കന്‍ഡുകളുടെ ബലത്തില്‍ അവ വെട്ടിച്ച് ഒഴിഞ്ഞ് പോകുകയായിരുന്നു.