പെരുമ്പാമ്പിന്റെ വായയില്‍ നിന്നും തലനാരിഴയ്ക്ക് രക്ഷപ്പെട്ട ഒരാളുടെ വീഡിയോ വൈറലാകുന്നു. ഒമ്പത് അടി നീളമുള്ള പെരുമ്പാമ്പിനെ ഒരാള്‍ പിടികൂടുന്നതാണ് വീഡിയോയുടെ തുടക്കം. പിന്നീട് ഇയാളെ പാമ്പ് ചുറ്റിവരിയുകയായിരുന്നു.

ദക്ഷിണാഫ്രിക്കയിലെ ലിംപോപോ പ്രവിശ്യയിലാണ് സംഭവം നടന്നത്. പെരുമ്പാമ്പിന്റെ തല കൈക്കലാക്കിയ ഇയാളുടെ കാലുകളില്‍ കൂടി ഈ പാമ്പ് ഉടല്‍ ഉപയോഗിച്ച് ചുറ്റി വരിയുകയാണ്.

ഇതിന്റെ ശക്തിയില്‍ അദ്ദേഹത്തിന്റെ കാലുകളുടെ ബാലന്‍സ് നഷ്ടപ്പെടാന്‍ തുടങ്ങിയപ്പോള്‍ ഒപ്പമുണ്ടായിരുന്ന ഒരാള്‍ എത്തി അദ്ദേഹത്തെ പാമ്പിന്റെ വലയത്തില്‍ നിന്നും മോചിപ്പിക്കുകയായിരുന്നു. 1.36 മിനിട്ട് ദൈര്‍ഘ്യമുള്ള വീഡിയോ ഇതിനോടകം തന്നെ വൈറലായി കഴിഞ്ഞിട്ടുണ്ട്.