കുഴിമാടം മാന്തി യജമാനനെ പുറത്തെടുക്കാന്‍ ശ്രമിക്കുന്ന പൂച്ച: വീഡിയോ കാണാം
മരിച്ചുപോയ യജമാനന്റെ കുഴിമാടത്തില്‍ നിന്നും പോകാതെ വിഷമിച്ച് കിടക്കുന്ന ഒരു പൂച്ച ഏവരുടെയും നൊമ്പരമായി. മലേഷ്യയിലെ ലാന്‍കാവിയിലാണ് സംഭവം.
മുത്തച്ഛന്റെ കുഴിമാടത്തില്‍ നിന്ന് മാറാതെ കിടക്കുന്ന പൂച്ചയുടെ ചിത്രങ്ങളും വീഡിയോയും ചെറുമകന്‍ സോഫുവാനാണ് സോഷ്യല്‍ മീഡിയയില്‍ പോസ്റ്റ് ചെയ്തത്. പോസ്റ്റ് ചെയ്തതോടെ ഇത് വൈറലാവുകായിരുന്നു.
ഞായറാഴ്ചയാണ് സോഫുവാന്റെ മുത്തച്ഛന്‍ ഇസ്മയില്‍ മാത് മരിച്ചത്. തുടര്‍ന്ന് അല്‍ഹിയായത് മോസ്‌കില്‍ ഖബറക്കുകയുംചെയ്തു.
എന്നാല്‍ സംസ്‌കാരച്ചടങ്ങുകള്‍ക്ക് ശേഷം എല്ലാവരും മൗനമായി പ്രാര്‍ത്ഥന നടത്തുമ്പോള്‍ ഇസ്മയിലിന്റെ പൂച്ച മണ്ണ് നീക്കി ഇസ്മയിലിനെ പുറത്ത് കൊണ്ടു വരാന്‍ ശ്രമിക്കുകയായിരുന്നു. ബലമായി പിടിച്ചു മാറ്റാന്‍ രണ്ട് മൂന്ന് തവണ ശ്രമിച്ചപ്പോഴും പൂച്ച ഖബറില്‍ തന്നെ കിടക്കുകയായിരുന്നു.
തന്റെ മുത്തച്ഛന്റെ ഓമനയായിരുന്നു ഈ പൂച്ചയെന്ന് പോസ്റ്റില്‍ സോഫുവാന്‍ പറയുന്നു. അതിന്റെ വിഷമം ഈ രീതിയില്‍ പ്രതിഫലിപ്പിച്ചു എന്നാണ് സോഷ്യല്‍ മീഡിയയിലുള്ളവരുടെ പ്രതികരണം.
https://www.facebook.com/Malayalivartha
