ഏതുസമയത്തു വേണമെങ്കിലും നിങ്ങളുടെ ബെഡില്‍ എത്താന്‍ ഈ മൃതശരീരം തയ്യാര്‍!
തായ്‌ലന്‍ഡില്‍ ഇപ്പോള്‍ തരംഗമാകുന്നത് മൃതശരീരങ്ങളുടെ രൂപത്തിലുള്ള തലയിണയാണ്.
ഒറ്റനോട്ടത്തില്‍ മരിച്ചയാളുടെ മൃതശരീരമാണെന്ന് തോന്നുന്ന വിധത്തിലാണ് ഇത് ഡിസൈന്‍ ചെയ്തിരിക്കുന്നത്.
ഉറക്കത്തില്‍ എഴുന്നേറ്റ് നടക്കുന്ന സ്വഭാവം ഉള്ളവരാണെങ്കില്‍ ഈ തലയിണ നിങ്ങള്‍ കിടക്കുന്നതിന്റെ വശത്ത് വച്ചാല്‍ അതില്‍ തട്ടി ഉണരുമെന്നാണ് ഇതിന്റെ നിര്‍മ്മാതാക്കള്‍ പറയുന്നത്.
ഇത്തരം തലയിണകള്‍ മുതിര്‍ന്നവര്‍ക്ക് മാത്രമായി ഉള്ളതാണ്.
മരിച്ച ആളുകളെ കുറിച്ചുള്ള ഓര്‍മ്മകള്‍ വേട്ടയാടുന്നവര്‍ക്ക് ഈ തലയിണ വെച്ച് കിടന്നാല്‍ പേടി ഉണ്ടാകില്ലെന്ന് പറയപ്പെടുന്നു.പോകോങ് എന്നാണ് ഈ തലയിണയുടെ പേര്. ഇത് ഓണ്‍ലൈനില്‍ വൈറലായതോടെ നിരവധി പേരാണ് ഓര്‍ഡര്‍ നല്‍കിയിരിക്കുന്നതെന്നാണ് നിര്‍മ്മാതാക്കള്‍ അവകാശപ്പെടുന്നത്.
പോകോങ് കാഴ്ചയില്‍ തന്നെ കുറച്ച് ഭയപ്പെടുത്തുന്ന തലയിണയാണ്. നിങ്ങളുടെ സുഹൃത്തുക്കളെ ഭയപ്പെടുത്താനും, പ്രാങ്ക് വീഡിയോ ചിത്രീകരിക്കാനും പോകോങ് ഉപകാരപ്പെടുമെന്നും നിര്‍മ്മാതാക്കള്‍ പറയുന്നു.
https://www.facebook.com/Malayalivartha
