ബംഗളൂരു നഗരത്തിലൂടെ ഹെല്‍മെറ്റില്ലാതെ ഇരുചക്ര വാഹനം ഓടിക്കുന്നവര്‍ ഇനി സൂക്ഷിക്കണം. കാരണം, അവര്‍ക്കു നേരെ കുരച്ചുകൊണ്ട് ഒരു നായ എത്താന്‍ സാധ്യതയുണ്ട്.

യാത്രക്കാരെ ഉപദ്രവിക്കാനല്ല മറിച്ച് അവരെ അപകടങ്ങളില്‍ നിന്നു രക്ഷിക്കാനുള്ള ഉപായവുമായാണ് ഈ നായ എത്തുന്നത്. ഹണി എന്നാണ് ഈ നായയുടെ പേര്.

ട്രാഫിക് സുരക്ഷയെക്കുറിച്ച് ആളുകളെ ബോധവാന്മാരാക്കാന്‍ പ്രത്യേകം പരിശീലനം ലഭിച്ച നായയാണ് ഇവള്‍. ഹെല്‍മറ്റ് ധരിക്കാതെ വാഹനം ഓടിക്കുന്നവരെക്കണ്ടാല്‍ അവര്‍ക്ക് ഹെല്‍മറ്റ് കൊണ്ടുപോയി കൊടുക്കാനും ഇവള്‍ക്കറിയാം.

സീറ്റ് ബെല്‍റ്റ് ധരിക്കാത്തവരെയും ഡ്രൈവിംഗിനിടെ ഫോണ്‍ ഉപയോഗിക്കുന്നവരെയും ഹണി കുറച്ചു വഴക്കു പറയും. ട്രാഫിക് സുരക്ഷയെക്കുറിച്ചുള്ള ഒരു ഷോര്‍ട്ട് ഫിലിമിലും ഹണി അഭിനയിച്ചിട്ടുണ്ട്.