പാമ്പുകളുടെ ഇഷ്ട ഭക്ഷണങ്ങളിലൊന്നാണ് തവളകള്‍ എന്ന് പരക്കെ അറിയാം. എന്നാല്‍ തവളകള്‍ തങ്ങളുടെ ഇഷ്ടഭക്ഷണമായി പാമ്പുകളെ തെരഞ്ഞെടുത്താലോ?

അതിന് ഉദാഹരണമെന്ന നിലയില്‍ ഒരു ചിത്രം സാമൂഹ്യമാധ്യമങ്ങളില്‍ വ്യാപകമായി പ്രചരിക്കുന്നു. മാംസാഹാരിയായ തവള ഒരു പാമ്പിനെ വിഴുങ്ങുന്നതാണ് ചിത്രത്തില്‍. തവളയുടെ വായയ്ക്കുള്ളില്‍ പ്രാണവേദനയോടെ വാപൊളിക്കുന്ന പാമ്പിനെ ചിത്രത്തില്‍ കാണാം.

വര്‍ഷങ്ങള്‍ക്കു മുന്പ് പകര്‍ത്തിയ ഈ ചിത്രങ്ങള്‍ സമൂഹമാധ്യമമായ റെഡിറ്റ് ആണ് വീണ്ടും പുറത്തുവിട്ടത്.

ഓസ്ട്രേലിയയിലും ന്യൂഗിനിയയിലും കണ്ടുവരുന്ന ഓസ്ട്രേലിയന്‍ ഗ്രീന്‍ ട്രീ ഫ്രോഗ് എന്നയിനത്തില്‍ പെട്ട തവളയാണ് ഇതെന്നും ഈ ചിത്രങ്ങള്‍ക്ക് വര്‍ഷങ്ങളുടെ പഴക്കമണ്ടെന്നും നാഷണല്‍ ജോഗ്രഫിക്ക് അധികൃതര്‍ വിശദീകരണം നല്‍കി. ഇത്തരം തവളകള്‍ ചെറിയ പാമ്പുകളെ ആഹാരമാക്കാറുണ്ട്.