ശരീരത്തില്‍ നീളമുള്ള നൈലോണ്‍ കയര്‍ കെട്ടി മുപ്പത് മീറ്റര്‍ ഉയരമുള്ള പാലത്തിന് മുകളില്‍നിന്ന് 245 പേര്‍ കൈകോര്‍ത്തു പിടിച്ച് താഴേക്കു ചാടി റെക്കോര്‍ഡിട്ടു. ബ്രസീലിലെ ഹോര്‍ട്ടോലാന്‍ഡിയയിലാണ് സ്ത്രീകളും പുരുഷന്മാരും അടങ്ങുന്ന സംഘം പാലത്തില്‍നിന്ന് ഒരുമിച്ചു ചാടി റെക്കോര്‍ഡിട്ടത്.

കൈകോര്‍ത്തുപിടിച്ച് പാലത്തില്‍ നിരന്നുനിന്ന ശേഷമാണ് താഴേയ്ക്ക് ചാടിയത്. റോപ്പ് ജംപിംഗ് എന്ന ഈ വിനോദത്തില്‍ പിന്നീടവര്‍ കയറില്‍ തൂങ്ങിക്കിടന്ന് ആടി.

ഗിന്നസ് റെക്കോര്‍ഡിന് അര്‍ഹരാകുമോ ഇവരെന്ന് ഇപ്പോള്‍ പറയാറായിട്ടില്ല. എന്നാല്‍ 2016-ല്‍ ഇതേ പാലത്തില്‍നിന്ന് ചാടിയ 149 പേര്‍ സ്ഥാപിച്ച അനൗദ്യോഗിക റെക്കോര്‍ഡ് ഇവര്‍ തകര്‍ത്തിട്ടുണ്ട്.