പോസ്റ്റിലിടിച്ച് പെനാല്‍റ്റി തെറിച്ചുപോയി; ഗോളിയുടെ അമിതമായ ആഹ്ലാദത്തിനിടെയില്‍ പന്ത് തിരികെ വലയിലെത്തി (വീഡിയോ)
ഫുട്‌ബോള്‍ മത്സരത്തില്‍ തമാശകളും ഉണ്ടാകാറുണ്ട്. കഴിഞ്ഞദിവസം തായ്‌ലന്‍ഡിലെ പ്രാദേശിക ഫുട്‌ബോള്‍ മല്‍സരത്തിനിടെയിലും ഇത്തരത്തില്‍ ഒരു രസകരമായ സംഭവം അരങ്ങേറി.
ബാങ്കോക്ക് സ്‌പോര്‍ട്‌സ് ക്ലബും സാത്രി ആങ്‌തോങും തമ്മിലുള്ള അണ്ടര്‍-18 വിഭാഗത്തിലെ മല്‍സരത്തിനിടെയാണ് നാടകീയമായ നിമിഷങ്ങളുണ്ടായത്. ഷൂട്ടൗട്ടില്‍ ഒരു ഗോളിന് പിന്നിട്ട് നില്‍ക്കവെ, ബാങ്കോക്ക് സ്‌പോര്‍ട്‌സ് ക്ലബ് താരം എടുത്ത പെനാല്‍റ്റി കിക്കാണ് നിര്‍ത്താതെയുള്ള ചിരിക്ക് വകയായത്.
കിക്ക് ക്രോസ് ബാറിലിടിച്ച് മടങ്ങി. ഈ സമയം ജയം ആഘോഷിക്കാനായി, സാത്രി ആങ്‌തോങ് ഗോളി മുന്നിലേക്ക് ഓടിക്കയറി. എന്നാല്‍ ക്രോസ് ബാറിലിടിച്ച് മടങ്ങിയ പന്തില്‍ ഒളിച്ചിരുന്ന വിധി മറ്റൊന്നായിരുന്നു. ബൗണ്‍സ് ചെയ്ത പന്ത് കറങ്ങിക്കറങ്ങി ഗോളിയില്ലാത്ത പോസ്റ്റിലേക്ക് ഊര്‍ന്നിറങ്ങുമ്പോള്‍, സാത്രി ഗോളി ഓടിവന്നെങ്കിലും എല്ലാം കഴിഞ്ഞിരുന്നു.
അങ്ങനെ മല്‍സരത്തിലേക്ക് മടങ്ങിവന്ന ബാങ്കോക്ക് സ്‌പോര്‍ട്‌സ് ക്ലബ് ഷൂട്ടൗട്ടില്‍ 20-19 ന് വിജയിക്കുകയും ചെയ്തു. ഏതായാലും, ഗോളി ആഘോഷിക്കാന്‍ പോയതുകാരണം ഉടലെടുത്ത തമാശ ഗോള്‍ ഇതിനോടകം ലക്ഷക്കണക്കിന് ആളുകളാണ് ഫേസ്ബുക്ക് വഴിയും മറ്റും കണ്ടത്.
https://www.facebook.com/Malayalivartha
