കാറ് ഇടിച്ചതിനെ തുടര്‍ന്ന് നിയന്ത്രണം നഷ്ടപ്പെട്ട് തലകീഴായി മറിഞ്ഞ ട്രക്കില്‍ നിന്നും റോഡില്‍ നിരന്നത് 30,000 കുപ്പി ബീയര്‍. ജര്‍മനിയിലെ ഫ്രാങ്ക്ഫര്‍ട്ടിലാണ് ഏവരെയും ഞെട്ടിച്ച അപകടം നടന്നത്.

1,500 പെട്ടികളിലായാണ് ബീയര്‍ കുപ്പികള്‍ നിറച്ചിരുന്നത്. റോഡില്‍ മുഴുവന്‍ ബിയര്‍ കുപ്പികള്‍ നിറഞ്ഞതിനാല്‍ ഇവിടം വഴിയുള്ള ഗതാഗതം ഭാഗികമായി നിര്‍ത്തിവെച്ചിരിക്കുകയാണ്.

കുപ്പികള്‍ നീക്കം ചെയ്യാന്‍ ആരംഭിച്ചിട്ടുമുണ്ട്. മണിക്കൂറുകള്‍ക്കു ശേഷം മാത്രമേ ഇവിടം വഴിയുള്ള ഗതാഗതം പൂര്‍ണ്ണതോതില്‍ പുനരാരംഭിക്കുകയുള്ളു. ഇരു വാഹനത്തിന്റെയും ഡ്രൈവര്‍മാരെയും ആശുപത്രിയില്‍ പ്രവേശിപ്പിച്ചിരിക്കുകയാണ്.