പരേതനായ ഹോളിവുഡ് നടന്‍ പോള്‍ ന്യൂമാന്റെ റോളക്‌സ് വാച്ച് 1.78 കോടി ഡോളറിന്  (ഏകദേശം 115 കോടി രൂപ) ലേലത്തില്‍ പോയി. റിസ്റ്റ് വാച്ചിന് ലഭിക്കുന്ന ഏറ്റവും ഉയര്‍ന്ന വിലയാണിത്. ന്യൂമാന്‍ എന്നും ധരിച്ചിരുന്ന ഈ വാച്ച് അദ്ദേഹത്തിന്റെ ഭാര്യ ജോവാനെ വുഡ്വാര്‍ഡ് 1969-ല്‍ സമ്മാനിച്ചതാണ്.

ഫിലിപ്‌സ് കമ്പനിയാണ് ലേലം നടത്തിയത്. 40 രാജ്യങ്ങളില്‍ നിന്നുള്ളവര്‍ പങ്കെടുത്തു. വാച്ച് സ്വന്തമാക്കിയ ആളുടെ പേരുവിവരങ്ങള്‍ പരസ്യമാക്കിയിട്ടില്ല.

അതേസമയം, കൈയില്‍ കെട്ടുന്ന വാച്ചിന്റെ കാര്യത്തില്‍ മാത്രമാണ് റിക്കാര്‍ഡ്. ന്യൂയോര്‍ക്ക് ബാങ്കര്‍ ഹെന്റി ഗ്രേവ്‌സിന്റെ, പാട്ടക് ഫിലിപ്പെ കമ്പനി നിര്‍മിച്ച പോക്കറ്റ് വാച്ച് 2014-ല്‍ 2.4 കോടി ഡോളറിന് (155 കോടി) രൂപയ്ക്ക് ലേലത്തില്‍ പോയിരുന്നു.