കള്ളന്മാരുടെ പിറകെ പായുന്ന അനേകം പൊലീസുകാരെ നമ്മളൊക്കെ സിനിമയിലും ജീവിതത്തിലുമൊക്കെ കണ്ടിട്ടുണ്ട്.പക്ഷെ മൃഗങ്ങളുടെ പിന്നാലെ ഓടുന്ന ഒരു പൊലീസുകാരനെ ആരും കണ്ടിരിക്കാന്‍ വഴിയില്ല.

എന്നാല്‍ ഇവിടെ വഴിയരികിലെ മുയലിനെ പിടികൂടാന്‍ ബോക്‌സുമായി ചെന്ന പൊലീസ് ഓഫീസറെ നെട്ടോട്ടമോടിച്ചിരിക്കുകയാണ് ഒരു മുയല്‍. രസകരമായ വീഡിയോ സമൂഹ മാധ്യമങ്ങളില്‍ വൈറലായിക്കൊണ്ടിരിക്കുകയാണ്.

മസാച്യുസെറ്റിലെ മീഡിയ റിലേഷന്‍സ് വിഭാഗത്തിലെ സോഷ്യല്‍ മീഡിയ സ്‌പെഷ്യലിസ്റ്റ് ഓഫീസറായ ഡസ്റ്റില്‍ ഫിച്ച് ആണ് വീഡിയോ പുറത്തുവിട്ടത്. ആദ്യം മുയലിനെ പടികൂടാന്‍ ഒരാള്‍ മാത്രമായിരുന്നു ഇറങ്ങിയത്.

എത്ര ശ്രമിച്ചിട്ടും കിട്ടാത്തതിനാല്‍ മറ്റൊരു ഓഫീസറുടെ സഹായം ലഭിക്കുകയായിരുന്നു. ഏറെ പണിപ്പെട്ട് ഒടുവില്‍ രണ്ടുപേരും ചേര്‍ന്ന് മുയലിനെ പെട്ടിക്കുള്ളിലാക്കുകയായിരുന്നു.