ട്രക്ക് ഇടിച്ച് റോഡിലേക്ക് മറിഞ്ഞ സ്‌കൂട്ടറില്‍ നിന്നും മറ്റൊരു വാഹനത്തിന്റെ അടിയില്‍പ്പെട്ട യുവാവ് അത്ഭുതകരമായി രക്ഷപെട്ടു. ചൈനയിലെ ഗിയാംഗിലാണ് ഏവരെയും ഞെട്ടിച്ച സംഭവം നടന്നത്.

തിരക്കേറിയ റോഡിലൂടെ സ്‌കൂട്ടറില്‍ വരികയായിരുന്ന ഒരാള്‍ ലൈന്‍ മാറാന്‍ ശ്രമിക്കുന്നതിനിടെ പിന്നിലൂടെ വന്ന ട്രക്ക് അയാളുടെ സ്‌കൂട്ടറില്‍ വന്നിടിക്കുകയായിരുന്നു.

റോഡില്‍ വീണ ഇദ്ദേഹം ഞൊടിയിടയില്‍ ഉരുണ്ടുമാറിയതിനാല്‍ ജീവന്‍ തിരിച്ചുകിട്ടി. മുന്‍ഭാഗത്ത് കുടുങ്ങിയ സ്‌കൂട്ടറും നിരക്കിക്കൊണ്ട് ട്രക്ക് കുറച്ചു ദൂരം പോകുകയും ചെയ്തു.

നിസാരപരിക്കുകള്‍ ഒഴിച്ചാല്‍ അദ്ദേഹത്തിന് മറ്റ് കുഴപ്പങ്ങളൊന്നുമില്ല. റോഡിലെ സിസിടിവിയിലാണ് ഈ അപകടത്തിന്റെ ദൃശ്യങ്ങള്‍ പതിഞ്ഞത്. സംഭവം പോലീസ് അന്വേഷണത്തിലാണ്.