കൂട്ടുകാരി അടുപ്പിക്കാത്തതിന്റെ കലിപ്പ് കാറിനോട് തീര്‍ത്ത് ആണ്‍സിംഹം. ദക്ഷിണാഫ്രിക്കയിലെ ക്രൂഗര്‍ ദേശീയ പാര്‍ക്കിലാണ് സംഭവം.

ഒരു ആണ്‍സിംഹവും പെണ്‍ സിംഹവും കൂട്ടുകൂടി ഇരിക്കുന്നതിനിടെയാണ് സന്ദര്‍ശകര്‍ കാറില്‍ അവയുടെ സമീപമെത്തിയത്.

കാറും ബഹളവും ആയതോടെ പെണ്‍ സിംഹം ആണ്‍ സിംഹത്തെ പരിസരത്തു പോലും അടുപ്പിച്ചില്ല.

അതോടെ കലിപ്പ് കേറിയ സിംഹം ആ ദേഷ്യം കാറിനോട് തീര്‍ക്കുകയായിരുന്നു. ആദ്യം പുറം തിരിഞ്ഞു നിന്ന സിംഹം കാറിനു മുന്നിലെ മണ്ണില്‍ മാന്തിയും മറ്റും ദേഷ്യം പ്രകടിപ്പിച്ചു.

എന്നിട്ടും ദേഷ്യം അടങ്ങാതായതോടെ കാറിന്റെ ചില്ലിനു നേരെ ഉയര്‍ന്ന് ഒറ്റയടിയായിരുന്നു. ഈ സമയം കാറിനുള്ളില്‍ യാത്രികര്‍ ശ്വാസമടക്കിപ്പിടിച്ചിരിക്കുകയായിരുന്നു.

ഭാഗ്യം കൊണ്ട് കാറിന്റെ ചില്ലുടയാഞ്ഞതിനാല്‍ യാത്രികര്‍ പരിക്കേല്‍ക്കാതെ രക്ഷപ്പെട്ടു.