റസ്റ്ററന്റ് കൊള്ളയടിക്കാന്‍ ശ്രമിച്ച മോഷ്ടാവിനെ തുരത്തിയ പെണ്‍പുലികള്‍; കിടിലന്‍ വീഡിയോ കാണൂ
പെണ്‍ശക്തി ഒരു വന്‍ ശക്തിതന്നെയാണെന്ന് തെളിയിച്ചിരിക്കുകയാണ് യുഎസിലെ നാലു യുവതികള്‍. വാഷിംഗ്ടണിലെ ഒരു റസ്റ്ററന്റില്‍ നിന്നും പണം അപഹരിക്കാന്‍ ശ്രമിച്ച ഒരു മോഷ്ടാവിനെ ഇവര്‍ ഒരുമിച്ച് തുരത്തുന്ന ദൃശ്യങ്ങള്‍ ഇപ്പോള്‍ സോഷ്യല്‍ മീഡിയയില്‍ തരംഗമായിക്കഴിഞ്ഞു.
ടോണീസ് ബ്രേക്ഫാസ്റ്റ് എന്ന റസ്റ്ററന്റിലെ കാഷ് കൗണ്ടറിനു സമീപം കറങ്ങി തിരിഞ്ഞു നില്‍ക്കുന്ന ഒരാളെ വീഡിയോയില്‍ കാണാം.അയാള്‍ പെട്ടെന്ന് കാഷ്‌കൗണ്ടറിലേക്ക് കൈയിട്ട് പണം തട്ടിയെടുക്കുവാന്‍ ശ്രമിക്കുന്നതാണ് വീഡിയോയില്‍ ആദ്യം. എന്നാല്‍ പണപ്പെട്ടിക്ക് സമീപം നിന്ന നാലു യുവതികള്‍ ഇയാളെ കായികമായി പ്രതിരോധിച്ചു.
മോഷ്ടാവിന്റെ തലയിലും ശരീരത്തിലും ഇവര്‍ ശക്തിയായി മര്‍ദിക്കുകയായിരുന്നു. മര്‍ദനം അസഹനീയമായപ്പോള്‍ മോഷ്ടാവ് മുപ്പത് ഡോളര്‍ കൈവശപ്പെടുത്തി അവിടെ നിന്നും ഓടി രക്ഷപെട്ടു. കടയ്ക്കുള്ളില്‍ സ്ഥാപിച്ചിരിക്കുന്ന സിസിടിവിയില്‍ പതിഞ്ഞ ദൃശ്യങ്ങള്‍ പുറത്തുവിട്ടത് പോലീസാണ.് മോഷ്ടാവിനെ തിരിച്ചറിയാനുള്ള ശ്രമത്തിലാണ് പോലീസ്.
https://www.facebook.com/Malayalivartha
