അരി തിന്ന എലിയെ മര്യാദ പഠിപ്പിക്കുന്നതിന്റെ ഞെട്ടിക്കുന്ന വീഡിയോ ദൃശ്യങ്ങള്‍!
ഒരു എലിയെ പിടികൂടി നാലു കാലുകളും കയറില്‍ വലിച്ച് കെട്ടി ക്രൂരമായി മര്‍ദ്ദിക്കുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ അസ്വസ്ഥത പടര്‍ത്തുന്നു. മര്‍ദ്ദനത്തെ തുടര്‍ന്ന് എലി ചത്തു.
ചൈനയിലെ വെന്‍ചുവാന്‍ സ്വദേശിയായ ഒരാളുടെ വീട്ടിനുള്ളില്‍ നിന്ന് എലി അരി തിന്നിരുന്നു. ഇതില്‍ കോപാകുലനായ വീട്ടുടമ എലിയെ പിടികൂടി നാലുകാലും കയര്‍ ഉപയോഗിച്ച് വലിച്ചു കെട്ടി വടി കൊണ്ട് മര്‍ദ്ദിക്കുകയായിരുന്നു.
മര്‍ദ്ദനത്തെ തുടര്‍ന്ന് വേദനയില്‍ പുളയുന്ന എലി ബന്ധനത്തില്‍ നിന്നും മോചിതനാകുവാന്‍ ആവുന്നത്ര പരിശ്രമിക്കുന്നതും ദൃശ്യങ്ങളില്‍ വ്യക്തമാണ്. മാത്രമല്ല ചവിട്ടാന്‍ ശ്രമിക്കുന്നതിനിടയില്‍ എലി അദ്ദേഹത്തിന്റെ കാലില്‍ കടിക്കുകയും ചെയ്തിരുന്നു.
അരി മോഷ്ടിക്കുകയും വസ്ത്രങ്ങള്‍ മുഴുവന്‍ നശിപ്പിക്കുകയും ചെയ്യുന്നത് ഈ എലിയാണെന്ന് വിശ്വസിച്ചായിരുന്നു വീട്ടുടമസ്ഥന്റെ പ്രവൃത്തി. മര്‍ദനത്തെ തുടര്‍ന്ന് ചത്ത എലിയെ അദ്ദേഹം മാലിന്യം നിക്ഷേപിക്കുന്ന കുട്ടയിലാണ് എടുത്തിട്ടത്. അദ്ദേഹം സ്വയം പകര്‍ത്തിയ വീഡിയോ ചൈനയിലെ സാമൂഹ്യമാധ്യമങ്ങളില്‍ വൈറലായിരിക്കുകയാണ്. ഇയാള്‍ക്കെതിരെ പോലീസ് കേസ് രജിസ്റ്റര്‍ ചെയ്തിട്ടുണ്ട്.
https://www.facebook.com/Malayalivartha
