ജോലിക്കിടയിലെ ചെറിയ പിഴവ് പോലും വലിയ അബദ്ധങ്ങള്‍ക്ക് കാരണമാകുമെന്നുള്ളതിന്റെ അവസാന വാക്കായി മാറുന്നു നിര്‍ഭാഗ്യവാനായ ഒരു കള്ളന്റെ അനുഭവം.

രാത്രിയിലെ കഷ്ടപ്പെട്ടുള്ള മോഷണത്തിനിടെ വില്ലന്റെ രൂപത്തില്‍ അദ്ദേഹത്തിന്റെ മുന്‍പില്‍ എത്തിയത് ഉറക്കമാണ്. സ്‌കോട്ട്‌ലന്‍ഡിലെ നോര്‍ത്ത് ലനാര്‍ക്ക്‌ഷെയറിലാണ് സംഭവം നടന്നത്.

മോഷണത്തിനിടെ ഉറങ്ങിപ്പോയ അദ്ദേഹം പിറ്റേന്ന് രാവിലെ കണ്ണ് തുറക്കുമ്പോള്‍ കാണുന്നത് തനിക്കു ചുറ്റും പോലീസുകാര്‍ കാവല്‍ നില്‍ക്കുന്നതാണ്.

കൈയിലാകട്ടെ വിലങ്ങുകളും. നാല്‍പ്പത്തിയാറുകാരനായ മോഷ്ടാവ് തന്റെ വീട്ടില്‍ കിടന്ന് ഉറങ്ങുന്നുവെന്ന് പോലീസിനെ അറിയിച്ചത് ഗൃഹനാഥനാണ്.

ട്വിറ്റര്‍ അക്കൗണ്ട് വഴി മോക്ലാന്‍ഡ്‌സ് പോലീസ് ഉദ്യോഗസ്ഥരാണ് ഈ സംഭവം അറിയിച്ചത്.