സിംഹത്തിന് മുന്‍പില്‍ അകപ്പെട്ട തന്റെ കുട്ടിയെ രക്ഷിക്കാന്‍ അമ്മ ജിറാഫ് ശ്രമിച്ചെങ്കിലും,തനിക്ക് കഴിക്കാന്‍ ജിറാഫിന്‍കുഞ്ഞ് തന്നെ വേണമെന്നില്ല,അമ്മയായാലും മതി എന്ന സിംഹത്തിന്റെ നയത്തിനു മുന്നില്‍ തോറ്റുപോയി! വീഡിയോ കാണൂ...
ഇരകളെ വേട്ടയാടുന്ന കാര്യത്തില്‍ മുന്നില്‍ തന്നെയാണ് കാട്ടിലെ രാജാവെങ്കിലും പൊക്കക്കാരന്‍ ജിറാഫിന്റെ മുന്‍പില്‍ സാധാരണ സിംഹം പരാജയപ്പെടുകയാണ് പതിവ്. വലിയ ജിറാഫുകളെ പിടികൂടാന്‍ സാധിക്കാതെ വരുമ്പോള്‍ പലപ്പോഴും വേട്ടയാടുന്നത് കുട്ടി ജിറാഫുകളെയാണ്.
ഇങ്ങനെ ഒരു കുട്ടി ജിറാഫിനെ നോട്ടമിട്ട സിംഹത്തില്‍ നിന്ന് തന്റെ കുഞ്ഞിനെ രക്ഷിക്കാന്‍ ഒരു അമ്മ ജിറാഫ് നടത്തിയ ശ്രമങ്ങളാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്.
കെനിയയിലെ മാസായ് മാറയിലാണ് സിംഹം കുട്ടി ജിറാഫിനു പിന്നാലെ കൂടിയത്. സിംഹത്തില്‍ നിന്നു കുഞ്ഞിനെ രക്ഷിക്കാന്‍ കുഞ്ഞിനെ സ്വന്തം കാല്‍ക്കീഴിലാക്കി അമ്മ ജിറാഫ് സിംഹത്തിനെ ചെറുക്കാന്‍ ശ്രമിക്കുന്നു.
ഒടുക്കം കുട്ടിയെ വേട്ടായാടാന്‍ പറ്റാതിരുന്ന സിംഹം അമ്മ ജിറാഫിന്റെ മുകളിലേക്ക് ചാടിക്കയറുന്നു. കുതറിമാറി രക്ഷപ്പെടാന്‍ ശ്രമിച്ച് ഓടുന്നതിനിടയില്‍ കുട്ടി ജിറാഫ് നിലത്തുവീണു. ഈ തക്കം മുതലാക്കി സിംഹം കുട്ടി ജിറാഫിനെ പിടികൂടുന്നു.
https://www.facebook.com/Malayalivartha
