ലോക സുന്ദരി ആരാണെന്നു ചോദിച്ചാല്‍ മാനുഷി ഛില്ലാറെന്നും വിശ്വസുന്ദരി ആരാണെന്നു ചോദിച്ചാല്‍ ഡെമി ലെ എന്നും കൃത്യമായ ഉത്തരമുണ്ട്. പക്ഷേ ആരായിരിക്കും ലോകത്തിലെ ഏറ്റവും സുന്ദരിയായ കൊച്ചുപെണ്‍കുട്ടി?

ആര്‍ക്കും ഉത്തരം അറിയാത്ത ഈ ചോദ്യത്തിന് സോഷ്യല്‍ മീഡിയയുടെ പക്കല്‍ മറുപടിയുണ്ട്. റഷ്യയില്‍ നിന്നുള്ള ആറു വയസുകാരി അനസ്താസ്യ നയാസേവയാണ് ലോകത്തിലെ ഏറ്റവും സുന്ദരിയായ പെണ്‍കുട്ടിയെന്നാണ് നവമാധ്യമങ്ങളുടെ അഭിപ്രായം.

അനസ്താസ്യയുടെ നീല കണ്ണുകളും ബാര്‍ബി ഡോളുകളോട് കിടപ്പിടിക്കുന്ന രൂപവുംആരെയും ആകര്‍ഷിക്കുന്നതാണ്. ഇന്‍സ്റ്റഗ്രാമില്‍ 500,000ത്തില്‍ പരം പേരാണ് ഈ കൊച്ച് സുന്ദരിയെ പിന്തുടരുന്നത്.

അനസ്താസ്യയുടെ അമ്മ അന്നയാണ് ഇന്‍സ്റ്റഗ്രാം അക്കൗണ്ടുകള്‍ കൈകാര്യം ചെയ്യുന്നത്.

അനസ്താസ്യയുടെ ഒരോ ഫോട്ടോയ്ക്കും ലഭിക്കുന്നത് നൂറ് കണക്കിന് കമന്റുകളും ലൈക്കുകളുമാണ്. 2015-ല്‍ അഅനസ്താസ്യയ്ക്ക് 4 വയസുള്ളപ്പോള്‍ മുതലാണ് അമ്മ ഫോട്ടോകള്‍ സോഷ്യല്‍ മീഡിയയില്‍ ഷെയര്‍ ചെയ്യാന്‍ തുടങ്ങിയത്.

റഷ്യയിലെ അറിയപ്പെടുന്ന മോഡലാണ് ഇപ്പോള്‍ അനസ്താസ്യ. റഷ്യയിലെ പ്രമുഖ ബ്രാന്റായ അമോറേക്കോ, കിസാബിയാനോ,ഛോബി കിഡ്‌സ് എന്നിവയ്ക്ക് വേണ്ടി അനസ്താസ്യ മോഡലിങ്ങ് ചെയ്ത് കഴിഞ്ഞു.

അനസ്താസ്യ സോഷ്യല്‍ മീഡിയയുടെ താരമായെങ്കിലും കുട്ടിയുടെ ചിത്രം സോഷ്യല്‍ മീഡിയയില്‍ പോസ്റ്റ് ചെയ്യുന്നതിനെതിരെ അമ്മയെ വിമര്‍ശിക്കുന്നവരും ഉണ്ട്.