പുരികക്കൊടിയില്‍ ക്രിസ്മസ് ട്രീ!
ക്രിസ്മസ് എന്നു കേള്‍ക്കുമ്പോള്‍ തന്നെ മനസ്സില്‍ തെളി!ഞ്ഞു വരുന്ന ചില രൂപങ്ങളുണ്ട്. ക്രിസ്മസ് അപ്പൂപ്പന്‍, പുല്‍ക്കൂട്, നക്ഷത്രങ്ങള്‍, പിന്നെ വളരെ പ്രധാനപ്പെട്ട മറ്റൊന്നു കൂടിയുണ്ടല്ലോ, ക്രിസ്മസ് ട്രീ.
നാളുകള്‍ക്കു മുമ്പേ തുടങ്ങും ക്രിസ്മസ് ട്രീ മനോഹരമാക്കുന്നതെങ്ങനെ എന്നതിന്റെ ആലോചനകള്‍. വീടിനകത്തും പുറത്തുമൊക്കെ വ്യത്യസ്തമായ ക്രിസ്മസ് ട്രീകള്‍ തയാറാക്കുന്നവരുടെ ശ്രദ്ധയ്ക്ക്! ഇപ്പോള്‍ ക്രിസ്മസ് ട്രീ ഒരുക്കുന്നത് പുരികക്കൊടിയിലാണ്.
പുരികക്കൊടിയില്‍ ക്രിസ്മസ് ട്രീയോ എന്നു ഞെട്ടാന്‍ വരട്ടെ. സംഗതി സത്യമാണ്. പുരികങ്ങളില്‍ ക്രിസ്മസ് ട്രീകള്‍ ഒരുക്കിക്കൊണ്ടാണ് ന്യൂജെന്‍ ഗേള്‍സ് ഈ ക്രിസ്മസിനെ വരവേല്‍ക്കാന്‍ പോകുന്നത്.
ചുവപ്പും പച്ചയും നിറങ്ങളിലുള്ള ക്രിസ്മസ് ട്രീ പുരികങ്ങള്‍ സമൂഹമാധ്യമത്തിലും ട്രെന്‍ഡായിരിക്കുകയാണ്. ടെയ്ലര്‍ എന്ന ബ്യൂട്ടി ബ്ലോഗറാണ് തരംഗമായ ഈ ക്രിസ്മസ് ട്രീ പുരികത്തിനു പിന്നില്‍.
ആദ്യം പുരികം ഇരുവശങ്ങളിലേക്കുമായി ക്രിസ്മസ് ട്രീ പോലെ ചീകിയൊതുക്കുകയാണ് ചെയ്യുന്നത്. ശേഷം വിവിധ നിറങ്ങളിലുള്ള സീക്വിന്‍സുകളും ചെറിയ പൊട്ടുകളും കൊണ്ട് വശങ്ങള്‍ അലങ്കരിക്കാം. ഒപ്പം വേണമെങ്കില്‍ പുരികത്തിനു പച്ചനിറവും നല്‍കാം. അവസാനമായി അറ്റത്ത് ഒരു സ്റ്റാറിന്റെ രൂപം കൂടി നല്‍കിയാല്‍ വീട്ടിലേതിനേക്കാളും മനോഹരമായ ക്രിസ്മസ് ട്രീ പുരികത്തില്‍ ആയിക്കിട്ടും.
അപ്പോള്‍ എന്തു പറയുന്നു ഗേള്‍സ്... ഈ ക്രിസ്മസിനു പുരികക്കൊടിയില്‍ ക്രിസ്മസ് ട്രീയുമായി വെറൈറ്റി ലുക്കിലെത്തിയാലോ ?
https://www.facebook.com/Malayalivartha
