വാഹനത്തില്‍ നിന്നും താഴെ വീണ മൃതശരീരം തിരക്കുള്ള റോഡിലൂടെ ഉരുണ്ടുനീങ്ങുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാകുന്നു.

ന്യൂസിലന്‍ഡിലെ ഓക് ലന്‍ഡിലാണ് സംഭവം നടന്നത്. സ്‌ട്രെച്ചറില്‍ കിടത്തി ഒരു ബാഗിനുള്ളില്‍ പൊതിഞ്ഞ നിലയിലായിരുന്നു മൃതദേഹം.

സംസ്‌കാരത്തിനായി വാഹനത്തില്‍ കൊണ്ടുപോകുകയായിരുന്നു ഈ മൃതശരീരം. എന്നാല്‍ വാഹനത്തിന്റെ വാതില്‍ അടയ്ക്കാന്‍ ഡ്രൈവര്‍ മറന്നിരുന്നു.

വാഹനം മുന്നോട്ടെടുത്തപ്പോള്‍ മൃതശരീരമുള്‍പ്പടെ സ്‌ട്രെച്ചര്‍ റോഡിലേക്ക് വീണ് ഉരുണ്ട് നീങ്ങുകയായിരുന്നു.

സംഭവം കണ്ട ഡ്രൈവര്‍ വാഹനം നിര്‍ത്തി റോഡില്‍ നിന്നും മൃതശരീരം എടുത്തു വീണ്ടും വാഹനത്തില്‍ കയറ്റി. മറ്റൊരു കാറിലെ ഡാഷ് കാമിലാണ് ഈ ദൃശ്യങ്ങള്‍ പതിഞ്ഞത്.