ലോകത്തിലെ ഏറ്റവും നീളമുള്ള നൂഡില്‍സ് നിര്‍മ്മിച്ച് ഗിന്നസ് ബുക്കിലേയ്ക്ക് ചൈന, വീഡിയോ കാണാം
ചൈനയില്‍ നിന്ന് പുറത്തു വരുന്ന വാര്‍ത്ത കേട്ടാല്‍ നൂഡില്‍സ് പ്രിയരെല്ലാം അന്തംവിട്ട് വാപൊളിക്കും!
ലോകത്തിലെ ഏറ്റവും നീളമുള്ള നൂഡില്‍സ് നിര്‍മ്മിച്ചിരിക്കുകയാണ് ചൈന. യന്ത്രസഹായമില്ലാതെ കൈ ഉപയോഗിച്ച് നിര്‍മിച്ച ഈ നൂഡില്‍സിന്റെ നീളം 10,100 അടിയില്‍ അധികമാണ്. ഇതിലൂടെ ചൈന ഗിന്നസ് റെക്കോര്‍ഡും സ്വന്തമാക്കി.
2001-ല്‍ ജപ്പാനില്‍ നിര്‍മിച്ച 1,800 അടി നീളമുള്ള നൂഡില്‍സിന്റെ റിക്കാര്‍ഡാണ് ചൈന പഴങ്കഥയാക്കിയത്. ചൈനയില്‍ ആഘോഷിക്കുന്ന പൊതു അവധി ദിനമായ സീനിയേഴ്‌സ് ഡേയിലാണ് നൂഡിലല്‍സ് നിര്‍മിച്ചത്.
ചൈനയില്‍ ദീര്‍ഘായുസിന്റെ പ്രതീകമാണ് നൂഡില്‍സ്. നാല്‍പ്പത് കിലോഗ്രാം ഗോതമ്പു മാവ്, 26.8 ലിറ്റര്‍ വെള്ളം 0.6 ഗ്രാം ഉപ്പ് എന്നിവയുപയോഗിച്ച് നിര്‍മിച്ചിരിക്കുന്ന നൂഡില്‍സിന് 66 കിലോയിലധികം ഭാരമാണുള്ളത്.
സെന്‍ട്രല്‍ ചൈനയിലെ ഹെനാന്‍ പ്രവശ്യയില്‍ പതിനേഴു മണിക്കൂര്‍ നീണ്ട പരിശ്രമത്തിനു ശേഷമാണ് പാചകക്കാര്‍ ഈ നൂഡില്‍സ് നിര്‍മിച്ചത്.
https://www.facebook.com/Malayalivartha
