ഒരു കത്തും അതിനുള്ള വിചിത്രമായ മറുപടിയുമാണ് സമൂഹമാധ്യമങ്ങളില്‍ ഇപ്പോള്‍ തരംഗമായിരിക്കുന്നത്. ഭാര്യയെ അന്ധമായി വിശ്വസിക്കുകയും സ്‌നേഹിക്കുകയും ചെയ്യുന്ന ഒരു ഭര്‍ത്താവ് ഒരു പത്രത്തിലെ വിധഗ്ധരോടു ചോദിക്കാം എന്ന പംക്തിയിലേക്ക് അയച്ച കത്തിന്റെ പേരിലാണ് പുതിയ കോലാഹലങ്ങള്‍ നടക്കുന്നത്. ഭാര്യ തന്നെ ചതിച്ചിട്ടില്ലെന്നും ഇനി ചതിക്കില്ലെന്നും കണ്ണുംപൂട്ടി വിശ്വസിക്കുന്ന അദ്ദേഹത്തിന്റെ സംശയമിതാണ്.

''ഞങ്ങളുടെ സ്വകാര്യ നിമിഷങ്ങളില്‍ അവള്‍ സന്ദീപ് എന്ന പേരു വിളിക്കാറുണ്ട്. അത് അവളെ ലൈംഗികാനന്ദത്തിലേക്ക് എത്തിക്കുകയും ചെയ്യുന്നുണ്ട്. പക്ഷേ ഞങ്ങളുടെ പരിചയത്തില്‍ സന്ദീപ് എന്നു പേരുള്ള ഒരാളില്ല. പിന്നെന്തുകൊണ്ടാവാം അവള്‍ ആ പേരിങ്ങനെ ഉപയോഗിക്കുന്നത്?. അവള്‍ ഒരിക്കലും എന്നെ ചതിക്കുമെന്ന് എനിക്കു തോന്നുന്നില്ല. ഒരു പാവം വീട്ടമ്മയാണവള്‍. എന്നോടവള്‍ക്ക് നല്ല സ്‌നേഹവും വിശ്വാസവുമാണ്.

അവള്‍ക്കങ്ങനെ ബന്ധമുണ്ടെന്നൊന്നും എനിക്കു തോന്നുന്നില്ല'' എന്നും ഭര്‍ത്താവ് കത്തില്‍ പറയുന്നുണ്ട്. ഭാര്യയെ അത്രയ്ക്കു വിശ്വാസമാണെങ്കില്‍ സ്വകാര്യനിമിഷങ്ങളില്‍ അവരുപയോഗിക്കുന്ന ഒരു പേരിന്റെ കാര്യം പറഞ്ഞ് അവരെ അവിശ്വസിക്കേണ്ടതില്ലെന്നും ചിലപ്പോള്‍ അതൊരു സാങ്കല്‍പ്പിക കഥാപാത്രമാവാനാണ് സാധ്യതയെന്നുമാണ് അദ്ദേഹത്തിന് വിദഗ്ധന്‍ നല്‍കിയ മറുപടി.

ഭര്‍ത്താവിന്റെ സംശയവും അദ്ദേഹത്തിനു ലഭിച്ച മറുപടിയും സമൂഹമാധ്യമങ്ങളാണ് ഇപ്പോള്‍ ആഘോഷിക്കുന്നത്. വളരെ ആഭാസകരമായ പ്രതികരണങ്ങള്‍ വരെ അതിലുണ്ട്. സംഗതിയെന്തായാലും ഭാര്യയിലുള്ള അദ്ദേഹത്തിന്റെ വിശ്വാസത്തെ പുകഴ്ത്തുന്നുമുണ്ട് ചിലര്‍. നിസ്സാരകാര്യങ്ങള്‍ക്കു വരെ ഭാര്യയെ സംശയിക്കുന്ന ആളുകള്‍ അദ്ദേഹത്തെകണ്ടു പഠിക്കണമെന്നാണ് ചിലരുടെ നിര്‍ദേശം.