കഴുകന്‍ റാഞ്ചിക്കൊണ്ടുപോയ വളര്‍ത്തുനായയെ തിരികെകിട്ടാന്‍ സഹായിച്ചത് ഫേസ്ബുക്ക്!
അമേരിക്കയിലെ പെനിസില്‍വാനിയയില്‍ കഴുകന്‍ റാഞ്ചിയ വളര്‍ത്തുനായയെ ഒരു ദിവസത്തിനു ശേഷം ഉടമയ്ക്ക് തിരികെ ലഭിച്ചു.
മോണിക്ക ന്യൂഹാര്‍ഡ് എന്ന യുവതിയുടെ വളര്‍ത്തുനായയായ സോയെയാണ് പുതുവര്‍ഷരാവിന്റെ പിറ്റേ ദിവസം കഴുകന്‍ റാഞ്ചിക്കൊണ്ടുപോയത്.
എങ്ങനെയെങ്കിലും സോയെ രക്ഷിക്കാനും മനസിലെ ദുഃഖം സുഹൃത്തുക്കളുമായി പങ്കുവെയ്ക്കാനുമായി ഈ സംഭവം മോണിക്ക ഫേസ്ബുക്കില്‍ പങ്കുവെച്ചു.
സത്യത്തില്‍ ഈ ഫേസ്ബുക്ക് പോസ്റ്റ് സോയെ തിരികെ ലഭിക്കുവാന്‍ മോണിക്കയെ സഹായിക്കുകയായിരുന്നു. കാരണം കിലോമീറ്ററുകള്‍ക്ക് അപ്പുറം മറ്റൊരാള്‍ക്ക് സോയെ നിലത്തു വീണ നിലയില്‍ ലഭിച്ചിരുന്നു.
ഇവര്‍ വീട്ടില്‍ കൊണ്ടുപോയി സോയെയ്ക്ക് ഭക്ഷണവും മറ്റും നല്‍കി സംരക്ഷിച്ചിരിക്കുമ്പോഴാണ് മോണിക്കയുടെ ഫേസ്ബുക്ക് പോസ്റ്റ് ഇവര്‍ കാണുന്നത്. ഉടന്‍ തന്നെ മോണിക്കയുമായി ബന്ധപ്പെട്ട ഇവര്‍ സോയെ കൈമാറുകയും ചെയ്തു.
പതിനഞ്ച് മണിക്കൂറികള്‍ക്ക് ശേഷം സോയയെ തിരികെ ലഭിച്ച സന്തോഷവാര്‍ത്ത അവര്‍ ഫേസ്ബുക്കില്‍ പങ്കുവെയ്ക്കുകയും ചെയ്തു. സാമൂഹ്യമാധ്യമങ്ങളില്‍ മോണിക്കയുടെ സന്തോഷത്തില്‍ പങ്കുചേര്‍ന്ന് നിരവധിയാളുകളാണ് രംഗത്തെത്തിയിരിക്കുന്നത്.
https://www.facebook.com/Malayalivartha
