വിവാഹ ദിവസത്തെ മേയ്ക്കപ്പ് കൂടിപോയതിനെ തുടര്‍ന്ന് വിവാഹചിത്രങ്ങള്‍ മോശമായതില്‍ നവവധുവിന് നിരാശയുണ്ടെന്ന് ഫെയ്‌സ്ബുക്കിലിട്ടു; പിന്നീട് നടന്നത് അത്ഭുതപ്പെടുത്തുന്ന സംഭവങ്ങള്‍
ഇതുവരെ നമ്മള്‍ പങ്കെടുത്ത വിവാഹത്തില്‍ കണ്ടിട്ടുള്ള എല്ലാ വധുവിനേക്കാളും, തന്റെ വിവാഹദിനത്തില്‍ താന്‍ സുന്ദരിയായിരിക്കണമെന്നായിരിക്കും എല്ലാ പെണ്‍കുട്ടികളുടേയും സ്വപ്നം. അതിന് വേണ്ടി എന്ത് റിസ്‌ക്കും ഏറ്റെടുക്കാന്‍ തയാറായിരിക്കും വധുവും കൂട്ടരും. എന്നാല്‍ മേക്കപ്പ് ഇത്തിരി കൂടിയാലും കുറഞ്ഞാലും അത് വിവാഹ ദിവസം മുഴുവന്‍ നമ്മളെ അലട്ടിക്കൊണ്ടിരിക്കും. അതുകൊണ്ട് തന്നെ സൗന്ദര്യം വര്‍ദ്ധിപ്പിക്കാന്‍ വേണ്ടി എത്ര കാശ് വേണമെങ്കിലും വീട്ടുകാര്‍ ചെലവാക്കിക്കോളും. എന്നാല്‍ ബ്യൂട്ടിപാര്‍ലറുകളില്‍ നല്ലതേതെന്നോ ചീത്തതേതെന്നോ നമുക്ക് പൂര്‍ണമായും അറിയാന്‍ കഴിയില്ല. ഇത്തരമൊരു ബ്ല്യൂട്ടി പാര്‍ലറുകാരുടെ ചതിയില്‍പ്പെട്ട് തന്റെ വിവാഹ ദിനം അലങ്കോലമായ യുവതിയുടെ അനുഭവമാണ് ഇവിടെ പറയുന്നത്.
തായ്‌ലന്റ് സ്വദേശിനിയായ ദാരിക ക്ലിന്‍കുഹലാബിനാണ് ഈ മോശം അനുഭവം ഉണ്ടായത്. വീടിനടുത്ത് പുതുതായി തുടങ്ങിയ െ്രെബഡല്‍ മേയ്ക്കപ്പ് സെന്ററിന്റെ വാഗ്ദാനങ്ങള്‍ കേട്ട് ചെന്ന ദാരികയ്ക്ക തന്റെ ജീവിതത്തില്‍ ഇതിന് നല്‍കേണ്ടി വന്ന വില വളരെ വലുതായിരുന്നു. വളരെ മോശമായിട്ടായിരുന്നു അവര്‍ ദാരികയ്ക്ക് മേയ്ക്കപ്പ് ചെയ്ത് നല്‍കിയത്. ഫോട്ടോകള്‍ ലഭിച്ചപ്പോഴാണ് താന്‍ കല്യാണദിവസത്തില്‍ എത്ര മാത്രം മോശമായി ആരുന്നു കാണപ്പെട്ടത് എന്ന് യുവതിക്ക് ബോധ്യമായത്. സങ്കടം സഹിക്കാന്‍ കഴിയാതെ യുവതി ഫെയ്‌സ്ബുക്കില്‍ ഒരു പോസ്റ്റിട്ടു.
ഈ പോസ്റ്റ് വൈറലായതിനെ തുടര്‍ന്ന് ബാങ്കോങ്ക് സ്വദേശിയായ ഒരു പ്രമുഖ ഫോട്ടോഗ്രാഫര്‍ യുവതിയെ സഹായിക്കാനായി രംഗത്തെത്തി. വിവാഹ ഫോട്ടോസ് ഒന്നു കൂടി എടുക്കാം എന്ന് അവര്‍ യുവതിയെ അറിയിച്ചു. എന്നാല്‍ തന്റെ ഈ ചെറിയ ആവശ്യങ്ങള്‍ക്കായി ബാങ്കോക്കില്‍ നിന്നും ഫോട്ടോഗ്രാഫറും സംഘവും തന്റെ കൊച്ചു ഗ്രാമത്തിലേക്ക് എത്തുമെന്ന് യുവതി സ്വപ്നം പോലും കണ്ടിരുന്നില്ല. എന്നാലും സംശയത്തോടെ സമ്മതം മൂളി.
എന്നാല്‍ ദാരികയെ തന്നെ അത്ഭുതപ്പെടുത്തി ഫോട്ടോഗ്രാഫറും സംഘവും ഇവരെ തേടിയെത്തി. ഇത്തവണ അടിപൊളിയായി മേയ്ക്കപ്പ് ചെയ്ത് ദാരികയും തന്റെ പ്രിയതമനും ഫോട്ടോയ്ക്ക് പോസ് ചെയ്തു.
https://www.facebook.com/Malayalivartha
