തായ്‌ലന്‍ഡിലെ പത്തുംതാനിയിലാണ് ഒരു ഭീമന്‍ പെരുമ്പാമ്പ് ഇഴഞ്ഞുപോകാനാവാതെ വഴിയില്‍ കിടക്കുന്നത് ഗ്രാമീണരുടെ ശ്രദ്ധയില്‍പെട്ടത്. വയര്‍ വീര്‍ത്ത് അനങ്ങാന്‍ പറ്റാതെ അത് കിടക്കുകയായിരുന്നു.

പ്രദേശത്തെ ഒരു കര്‍ഷകന്‍ രാവിലെ കോഴിക്കൂട് പരിശോധിച്ചപ്പോഴാണ് അതിനുള്ളില്‍ ഉണ്ടായിരുന്ന രണ്ട് കോഴികളെ കാണാനില്ലെന്ന് മനസിലായത്. തുടര്‍ന്ന് സമീപവാസികളുടെ സഹായത്താല്‍ നടത്തിയ തിരച്ചിലില്‍ സമീപത്ത് നിന്നും ആ ഭീമന്‍ പാമ്പിനെ കണ്ടെത്തുകയായിരുന്നു.

തുടര്‍ന്ന് ഒരു ഉപകരണത്തിന്റെ സഹായത്താല്‍ പെരുമ്പാമ്പിന്റെ വയറ്റില്‍ നിന്ന് കോഴിയെ പുറത്തെടുക്കുകയായിരുന്നു.അതിന്റെ വീഡിയോ ഇപ്പോള്‍ വൈറലാണ്. തുടര്‍ന്ന് പാമ്പിനെ സമീപത്തുള്ള വനത്തില്‍ തുറന്ന് വിട്ടു.