സാഹസികത അതിരുകടന്നു! പിടികൂടിയ മൂര്‍ഖന്റെ വായ തുന്നിക്കെട്ടാന്‍ ശ്രമിച്ച യുവാവിന് പിന്നെ സംഭവിച്ചതെന്തെന്നു കാണണ്ടേ?
മൂര്‍ഖന്‍ പാമ്പിന്റെ വായ തുന്നിക്കെട്ടാന്‍ ശ്രമിക്കുന്നതിനിടയില്‍ കടിയേറ്റയാള്‍ക്ക് ദാരുണാന്ത്യം.അപമൃത്യു സംഭവിച്ചത് ബിഹാര്‍ സ്വദേശിയായ ബോലാനാഥ് എന്ന ഓട്ടോറിക്ഷാഡ്രൈവറിനാണ്. പാമ്പിനെ പിടിക്കുന്നതില്‍ വിദഗ്ദധനായിരുന്ന ബോലാനാഥ് വീടിനു സമീപമുള്ള ഒരു സ്ഥലത്ത് പാമ്പിനെ കണ്ടെന്ന് അറിഞ്ഞാണ് അവിടേക്കു തിരിച്ചതും സാഹസികത കാണിക്കാന്‍ ശ്രമിച്ചതും.
പാമ്പിനെ അനായാസം പിടികൂടിയ ബോലാനാഥ് അതുകൊണ്ടൊന്നും തന്റെ സാഹസികത നിര്‍ത്താന്‍ തയ്യാറായില്ല. അദ്ദേഹം പാമ്പിന്റെ വായ തുന്നിക്കെട്ടാന്‍ ഒരുങ്ങി. ഇതിനായി സൂചിയില്‍ നൂല്‍ കോര്‍ത്ത് പാമ്പിന്റെ വായയിലേക്ക് കുത്തിയിറക്കി. വേദനകൊണ്ട് പുളഞ്ഞ പാമ്പ് ബോലാനാഥിന്റെ പിടിയില്‍ നിന്നും വഴുതി അദ്ദേഹത്തിന്റെ കൈയില്‍ കടിച്ചു.
പാമ്പിനെ വീണ്ടും കൈപ്പിടിയില്‍ ഒതുക്കിയ അദ്ദേഹം തുന്നല്‍ പൂര്‍ത്തിയാക്കി. സമീപമുണ്ടായിരുന്നവര്‍ ആശുപത്രിയില്‍ പോകുവാന്‍ പറഞ്ഞുവെങ്കിലും ബോലാനാഥ് ഇത് കാര്യമാക്കിയില്ല. തനിക്ക് വിഷം ഏല്‍ക്കില്ലെന്നായിരുന്നു അദ്ദേഹത്തിന്റെ മറുപടി.
കുറച്ചു സമയത്തിനകം ശരീരത്തിന് തളര്‍ച്ച അനുഭവപ്പെട്ട ബോലാനാഥിനെ ആശുപത്രിയിലെത്തിച്ചെങ്കിലും അതിനു മുമ്പ് മരണം സംഭവിച്ചു. അതോടെ പാമ്പിനെയും നാട്ടുകാര്‍ തല്ലിക്കൊന്നു. ബോലാനാഥിന്റെ ചിതയ്ക്ക് സമീപത്ത് വച്ച് പാമ്പിനെയും ഇവര്‍ കത്തിച്ചു.
https://www.facebook.com/Malayalivartha
