യുഎസ് ജോര്‍ജിയ സ്‌റ്റേറ്റിലെ ഡെക്കാറ്റര്‍ നഗരത്തില്‍ ഉണ്ടായ തീപിടുത്തത്തില്‍ നിന്നും കുട്ടിയെ രക്ഷിക്കുന്ന അഗ്‌നി സുരക്ഷാ ജീവനക്കാരനാണ് ഇപ്പോള്‍ സോഷ്യല്‍ മീഡിയകളില്‍ ശ്രദ്ധാവിഷയമായിരിക്കുന്നത്. തീപിടുത്തമുണ്ടായ കെട്ടിടത്തിലെ മൂന്നാം നിലയില്‍ നിന്നും കുട്ടിയെ രക്ഷിച്ചതാണ് ഇപ്പോള്‍ സോഷ്യല്‍ മീഡിയായില്‍ ചര്‍ച്ചയാവുന്നത്.

ജനുവരി മൂന്നാം തിയതിയാണ് സംഭവം നടന്നത്. വീടിനുള്ളില്‍ നിന്നും പുറത്തെത്തിക്കുന്ന കുട്ടിയെ ബാല്‍ക്കണിയില്‍ നിന്ന് താഴെ നില്‍ക്കുന്ന ഉദ്യോഗസ്ഥന്റെ കൈകളിലേക്ക് എറിഞ്ഞു നല്‍കുന്നതായാണ് ദൃശ്യത്തില്‍ കാണുന്നത്. തീപിടുത്തം ഉണ്ടായത് രാത്രിയില്‍ ആയിരുന്നിട്ടുപോലും രക്ഷാപ്രവര്‍ത്തനത്തില്‍ യാതൊരു അലംഭാവവും കാണിച്ചില്ല എന്നത് ഏറെ പ്രശംസ പിടിച്ചുപറ്റിയിരുന്നു.

അഗ്‌നിശമന ഉദ്യോഗസ്ഥരുടെ ഹെല്‍മറ്റില്‍ ഘടിപ്പിച്ചിരിക്കുന്ന ക്യാമറയിലാണ് ഈ ദൃശ്യങ്ങള്‍ പകര്‍ത്തിയത്. ദൃശ്യങ്ങള്‍ ഇതിനോടകം തന്നെ മൂന്ന് ലക്ഷം ആളുകള്‍ കാണുകയും 3000 ആളുകള്‍ ഷെയര്‍ ചെയ്യുകയും ചെയ്തിട്ടുണ്ട്.