വളര്‍ത്തു നായ വീടിന് തീയിട്ടപ്പോള്‍; വീഡിയോദൃശ്യങ്ങള്‍
തന്റെ ഉടമസ്ഥന്റെ വീടിന് അബദ്ധത്തില്‍ തീയിട്ട വളര്‍ത്തുനായയുടെ വീഡിയോ ആണ് ഇത്.വീട്ടിലെ സിസിടിവിയില്‍ നിന്നാണ് ദൃശ്യങ്ങള്‍ ലഭിച്ചത്. സൗത്ത് വിക്കിലെ അഗ്‌നിശമന സേനയാണ് ദൃശ്യങ്ങള്‍ പുറത്ത് വിട്ടത്. ഗ്യാസ് സ്റ്റൗവില്‍ സാധനങ്ങള്‍ വെച്ചിട്ട് പോകുന്നവര്‍ക്കുള്ള മുന്നറിയിപ്പായിട്ടാണ് വീഡിയോ പുറത്ത് വിട്ടിരിക്കുന്നത്.
വളര്‍ത്തുനായ ഗ്യാസ് സ്റ്റൗവിലിരുന്ന പാന്‍ കേക്ക് എടുക്കാന്‍ ശ്രമിക്കുകയായിരുന്നു. എത്തിനിന്ന് പാന്‍ കേക്ക് എടുക്കുന്നതിനിടയില്‍ കാല്‍ തട്ടി ഗാസ് സ്റ്റൗ ഓണ്‍ ആകുകയാണ് ചെയ്തത്..
മിനുറ്റുകള്‍ക്കുള്ളില്‍ സ്റ്റൗവില്‍ ഇരുന്ന പാന്‍ കേക്ക് കത്താന്‍ തുടങ്ങി. വീടാകെ പുക പടര്‍ന്നു. തീ മറ്റ് സ്ഥലങ്ങളിലേക്കും വ്യാപിക്കാന്‍ തുടങ്ങി. ഫയര്‍ അലാറം അടിച്ചതു കൊണ്ട് അഗ്‌നിശമന സേന സ്ഥലത്തെത്തി. എന്തായാലും വീട് കത്തിയമരാതെ ഇവര്‍ രക്ഷിച്ചു.
സ്റ്റൗവില്‍ ഭക്ഷണപദാര്‍ത്ഥങ്ങള്‍ വെക്കരുതെന്നും, കുട്ടികളോ നായ്ക്കളോ വീട്ടിലുണ്ടെങ്കില്‍ ഗ്യാസ് സ്റ്റൗവില്‍ സുരക്ഷാ മുന്‍കരുതലുകളെടുക്കണമെന്നും അഗ്‌നിശമന സേന ഫെയ്‌സ്ബുക്കില്‍ കുറിച്ചു.
https://www.facebook.com/Malayalivartha
