ഈ പന്നികളുടെ ഉടമസ്ഥന്‍ തന്റെ പന്നികുട്ടികളെയോര്‍ത്ത് അഭിമാനിക്കുകയാണ്. തങ്ങളുടെ പഗ് സുഹൃത്തുമൊത്ത് പിസ പാര്‍ട്ടി ആഘോഷിക്കുന്ന പന്നിക്കുട്ടികളുടെ വീഡിയോ ഉടമസ്ഥന്‍ തന്നെയാണ് പകര്‍ത്തി സോഷ്യല്‍ മീഡിയയില്‍ പങ്ക് വെച്ചത്.

പിങ്ക് ബ്ലാങ്കെറ്റിനുള്ളില്‍ തങ്ങളുടെ ഡിന്നര്‍ പാര്‍ട്ടിക്കായി ക്ഷമയോടെ കാത്തിരിക്കുകയാണ് പന്നികള്‍. പാര്‍ട്ടി തുടങ്ങിയത് പിസയോടെയായിരുന്നു. തങ്ങള്‍ക്ക് അനുവദിച്ച കക്ഷണം മാത്രമാണ് അവര്‍ കഴിച്ചത്.

ഇനി, പന്നിയെപ്പോലെയാണ് നീ ആഹാരം കഴിക്കുന്നതെന്ന് ആരെങ്കിലും കളിയാക്കിയാല്‍ ഒട്ടും പിണങ്ങേണ്ട, ഒരു താങ്ക്സ് സന്തോഷമായിട്ടങ്ങോട്ടു പറഞ്ഞോളൂ...

മെലിസ നിക്കോള്‍സണ്‍ എന്ന ഫ്‌ലോറിഡക്കാരിയാണ് ഇന്‍സ്റ്റഗ്രാമില്‍ തന്റെ പന്നിക്കുട്ടികളുടെ വീഡിയോ പങ്ക് വെച്ചത്. പത്ത് ലക്ഷത്തിലധികം പേര്‍ ഇതിനോടകം വീഡിയോ കണ്ട് കഴിഞ്ഞു.