മഹാത്മാ ഗാന്ധിയുടെ കയ്യൊപ്പ് ഉള്ള ചിത്രം ലേലത്തില്‍ വിറ്റുപോയത് 41,806 ഡോളറിന്(27 ലക്ഷം രൂപ ). 1931 സെപ്റ്റംബറില്‍ ലണ്ടനില്‍ നടന്ന രണ്ടാം വട്ടമേശ സമ്മേളനത്തില്‍ വച്ച് മദന്‍മോഹന്‍ മാളവ്യയോടൊപ്പം ഗാന്ധി നടക്കുന്ന ചിത്രമാണ് ലേലത്തില്‍ വിറ്റത്. എം.കെ. ഗാന്ധി എന്ന് ഇടംകൈ കൊണ്ടാണ് ചിത്രത്തില്‍ ഗാന്ധിജി ഒപ്പിട്ടിരിക്കുന്നത്.

ബോസ്റ്റണ്‍ ആസ്ഥാനമായ ആര്‍ ആര്‍ ഓക്ഷന്‍ കമ്പനിയാണ് ലേലം സംഘടിപ്പിച്ചത്. ഫെബ്രുവരി 17 മുതല്‍ മാര്‍ച്ച് ഏഴുവരെയായിരുന്നു ലേലം.

19-ാം നൂറ്റാണ്ടില്‍ കാള്‍ മാക്‌സ് എഴുതിയ കത്ത് 53,509 ഡോളറിന് വിറ്റു പോയിരുന്നു. ലണ്ടനില്‍ നിന്ന് ഇംഗ്ലീഷ് എഡിറ്റര്‍ കൊലെറ്റ് ഡോബ്‌സണിന് അയച്ച കത്താണിത്. 1903-ല്‍ ലിയോ ടോള്‍സ്‌റ്റോയി എഴുതിയ കത്ത് 13 ലക്ഷത്തിനും ലേലത്തില്‍ പോയി.