കാട്ടിലെ രാജാവെന്നാണ് പൊതുവെ സിംഹത്തെ വിശേഷിപ്പിക്കാറുള്ളത്. സസ്തനികളിലെ ഫെലിഡേ കുടുംബത്തിലെ പാന്തറ ജനുസ്സിൽ ഉൾപ്പെട്ട ഒരു വന്യജീവിയാണ് സിംഹം. സവേനകൾ എന്നറിയപ്പെടുന്ന പുൽമേടുകളിലാണ് സിംഹങ്ങൾ കൂടുതൽ വസിക്കുന്നത് ഇവയോടു ചേർന്നു കിടക്കുന്ന കുറ്റിക്കാട് പ്രദേശങ്ങളും സിംഹങ്ങൾ വിഹരിക്കാൻ തിരഞ്ഞെടുക്കാറുണ്ട്. ഇത്തരത്തിൽ കുറ്റിക്കാട്ടിൽ വിശ്രമിക്കുകയായിരുന്നു ആൺസിംഹവും പെൺസിംഹവും. അപ്പോഴതാ വരുന്നു ഒരു വിരുതൻ...മറ്റാരുമല്ല, ഒരു തനി നാടൻ നായ. സിംഹങ്ങൾ നായയെ കണ്ടയുടൻ ചാടി എഴുന്നേറ്റു. എങ്കിലും നായ കുലുങ്ങിയില്ല, ഒറ്റയ്ക്ക് കുരയിലൂടെ സിംഹങ്ങളോട് പോരാടി. നായയ്ക്കുമുന്നിൽ പേടിച്ചരണ്ട് പിന്നോട്ട് പോകുന്ന സിംഹങ്ങളുടെ ദൃശ്യങ്ങൾ സമൂഹമാധ്യമങ്ങളിൽ വൈറലാകുകയാണ്. വീഡിയോ കാണാം...