ലോകത്തിന്റെ എല്ലാ കോണിലുള്ളവര്‍ക്കും ഒരേ തമാശ, പങ്കുവച്ച് ആസ്വദിക്കാന്‍ സമൂഹ്യ മാധ്യമങ്ങള്‍ സൗകര്യമൊരുക്കുന്നുണ്ടല്ലോ. ഇപ്പോൡതാ ഫ്രാന്‍സെസ്‌ക എന്ന ട്വിറ്റര്‍ ഉപയോക്താവ് പങ്കുവച്ച ഒരു ചിത്രം നെറ്റില്‍ ചിരിയുണര്‍ത്തുന്നു.

ഫ്രാന്‍സെസ്‌ക പങ്കു വച്ചത് ഒരു നായയുടെ ചിത്രമാണ് . അതിന്റെ കുഞ്ചിരോമങ്ങള്‍ വാരിക്കെട്ടി പോണിടെയില്‍ രൂപത്തിലാക്കിയിട്ടുണ്ട്. കഴുത്തില്‍ കല്ലുകള്‍ പതിച്ച ഒരു കോളറും ഇട്ടിട്ടുണ്ട്. ഈ നായയ്ക്ക് അമേരിക്കന്‍ പ്രസിഡന്റ് ട്രംപിന്റെ മകള്‍ ഇവാന്‍ക ട്രംപിനോട് സാമ്യമുണ്ടെന്നാണ് ട്വിറ്ററിന്റെ കണ്ടെത്തല്‍.

ഈ നായ പച്ച പരിഷ്‌കാരിയാണെന്നും ട്രെന്‍ഡിയാണെന്നും കാണിക്കാനേ ഫ്രാന്‍സെസ്‌ക ഉദ്ദേശിച്ചിരുന്നുള്ളൂ. എന്നാല്‍ ട്വിറ്ററാറ്റികള്‍ അതും അതിനപ്പുറവും ഭാവനയില്‍ കണ്ടെത്തി.

കമന്റുകളുടെ പ്രവാഹമായിരുന്നു ഫ്രാന്‍സെസ്‌ക പോസ്റ്റു ചെയ്ത ചിത്രങ്ങള്‍ക്ക് താഴെ. ഓ മെ ഗോഡ്, ഇവാന്‍ക! എന്ന് ഒരാള്‍ കമന്റ് ചെയ്തപ്പോള്‍ നായ പക്ഷേ അതിനേക്കാള്‍ സുന്ദരിയും ബുദ്ധിമതിയും ആണെന്ന് തോന്നുന്നു എന്നായിരുന്നു മറ്റൊരാളുടെ കമന്റ്. ഉടനെ വന്നു അടുത്തയാളുടെ കമന്റ്, തീര്‍ച്ചയായും പക്ഷെ അല്പം കൂടി മെച്ചപ്പെട്ട വര്‍ഗ്ഗ ഗുണം കാണാനുണ്ടെന്നായിരുന്നു ആ കമന്റ്. ഇങ്ങനെ തന്നെ എനിക്കും തോന്നിയെന്നും നായയുടെ രൂപത്തില്‍ ഇവാന്‍ക എന്നുമൊക്കെയായി കമന്റുകള്‍ മുന്നേറി.

പക്ഷേ ട്വിറ്ററില്‍ ഇങ്ങനെ ബഹളം നടക്കുന്നതൊക്കെ ചിത്രം പോസ്റ്റ് ചെയ്ത ഫ്രാന്‍സെസ്‌ക അറിഞ്ഞോ എന്നറിയില്ല. സോഷ്യല്‍ മീഡിയയിലൊന്നും അതിനു ശേഷം ഫ്രാന്‍സെസ്‌ക പ്രതികരിച്ചു കണ്ടില്ല.