എന്തെല്ലാം കണ്ടിരിക്കുന്നു, അല്ലേ?...ഇനി മുട്ട വിരിഞ്ഞ് നീരാളിക്കുഞ്ഞ് (ഒക്ടോപ്പസ്) പുറത്തുവരുന്നത് കണ്ടില്ലെന്നു വേണ്ട; അപൂര്‍വ കാഴ്ചയുടെ വീഡിയോ ദൃശ്യങ്ങള്‍
നീരാളി അല്ലെങ്കില്‍ തന്നെ ഒരു കൗതുകം പിടിച്ചുപറ്റുന്ന ഒരു ജീവിയാണ്. അതിനെ അധികമാരും കണ്ടിട്ടുകൂടിയുണ്ടാകില്ല. പിന്നെയല്ലേ അതിന്റെ മുട്ടയോ മുട്ട വിരിയുന്ന കാഴ്ചയോ!
എന്നാല്‍ ഇപ്പോള്‍ സമൂഹമാധ്യമങ്ങളില്‍ വൈറലാകുകയാണ് നീരാളി മുട്ട വിരിയുന്ന അപൂര്‍വ കാഴ്ച. വിര്‍ജീനിയ അക്വേറിയം ആന്റ് മറൈന്‍ സയന്‍സ് സെന്ററാണ് അപൂര്‍വ്വ വീഡിയോ പോസ്റ്റ് ചെയ്തിരിക്കുന്നത്.
ആദ്യം ഫെയ്‌സ്ബുക്കിലിട്ട വീഡിയോ പിന്നീട് മറ്റ് എല്ലാ സമൂഹമാധ്യമങ്ങളിലും വൈറലായി. ഇതിനോടകം 25 ലക്ഷത്തിലധികം പേരാണ് വീഡിയോ കണ്ടത്.
ഒമ്പത് ഇതളുകളുള്ള പൂവ് പോലെ തോന്നിക്കുന്ന മുട്ടകളുടെ കൂട്ടത്തില്‍ നിന്ന് ഒരു നീരാളി വിരിയുകയും കുഞ്ഞന്‍ നീരാളിയായി പുറത്തേക്ക് നീന്തി പോകുന്നതുമാണ് വീഡിയോയില്‍ കാണാനാകുന്നത്. മുട്ട വിരിഞ്ഞതിന് ശേഷം വെള്ള നിറത്തിലുള്ള നീരാളി പെട്ടെന്ന് തന്നെ തവിട്ടു നിറമായി മാറുന്നതും അപൂര്‍വ്വ കാഴ്ചയായി അനുഭവപ്പെടുന്നു.
https://www.facebook.com/Malayalivartha
