''ഞാന്‍ അല്ല, നിങ്ങള്‍ തന്നെ. ഒരു നല്ല ദിവസം നിങ്ങള്‍ എന്റെ നെറ്റ്‌വര്‍ക്കില്‍ നിന്നും അപ്രത്യക്ഷമായി'' എന്ന് തുടങ്ങുന്ന കത്ത് നവമാധ്യമങ്ങളില്‍ തരംഗമാകുകയാണ്. കോള്‍ ചെയ്യുന്നതിനും എസ്എംഎസ് അയക്കുന്നതിനും ഇന്റര്‍നെറ്റ് ഉപയോഗിക്കുന്നതിനും സാധിക്കാതെയായെന്നും യുവാവ് കത്തില്‍ കുറിക്കുന്നു.

കഴിഞ്ഞ ഒരു വാരത്തോളമായി നിങ്ങള്‍ വഴി ബന്ധപ്പെടുന്ന നവമാധ്യമലോകം ഇപ്പോള്‍ ഒരു ബന്ധവുമില്ല. നിങ്ങളുടെ ഒരു മറുപടിക്കായി ഞാന്‍ കാത്തുകാത്തിരുന്നു.പക്ഷേ ഇങ്ങോട്ട് ഒരു പ്രതികരണവുമുണ്ടായില്ല. ഒടുവില്‍ നിങ്ങള്‍ അത് അര്‍ഹിക്കുന്നില്ല എന്ന് ഞാന്‍ തിരിച്ചറിഞ്ഞുവെന്നും അദ്ദേഹം കുറിക്കുന്നു. ഇതോടെ ഒന്‍പത് വര്‍ഷത്തെ ബന്ധം നിങ്ങള്‍ അവസാനിപ്പിച്ചു.

എന്റെ സുഹൃത്തുക്കള്‍ ജിയോ-യുമായും വോഡഫോണുമായി ഒക്കെ ബന്ധത്തില്‍ ഏര്‍പ്പെട്ട് പരിഹസിച്ചപ്പോഴും ഞാന്‍ നിന്നെ കൈവിട്ടിരുന്നില്ല.

എന്നാല്‍, അവരായിരുന്നു ശരി.വിജയ് മല്ല്യയും നീരവ് മോദിയും ഇന്ത്യയുടെ മനസ്സാക്ഷിയില്‍ കുത്തിയിറക്കിയ കൂരമ്പിനേക്കാള്‍ വലിയ അമ്പാണ് നിങ്ങള്‍ എന്റെ നെഞ്ചിലിറക്കിയത്. അതുകൊണ്ട് നിങ്ങളുടെ ഷെയറുകള്‍ താഴട്ടെ എന്നു ശപിക്കുന്നുമുണ്ട്. എന്നാലെങ്കിലും ഇനി ബാക്കിയുള്ള നിങ്ങളുടെ ഉപഭോക്താക്കളെ മാനിക്കാന്‍ നിങ്ങള്‍ പഠിക്കുമല്ലോ എന്നൊക്കെ പറഞ്ഞാണ് കത്ത് അവസാനിപ്പിച്ചിരിക്കുന്നത്.

ട്വിറ്ററില്‍ പോസ്റ്റ് ചെയ്ത ഈ വേര്‍പിരിയല്‍ കത്ത് എയര്‍ടെല്‍ ഇന്ത്യക്ക് അടക്കം നിരവധി ആളുകളെ ടാഗ് ചെയ്താണ് വിരുതന്‍ പണിയൊപ്പിച്ചത്.