ടെക്‌സസിലെ പ്ലനോ എന്ന സ്ഥലത്തു നിന്നും പകര്‍ത്തിയ ഒരു സെല്‍ഫി വീഡിയോയിലെ ദൃശ്യങ്ങളാണ് ഇത്. മലിക് എലിസീ എന്ന മോട്ടോര്‍ സൈക്കിള്‍ യാത്രക്കാരന്‍ തന്റെ ഗോപ്രോ കാമറയില്‍ തന്റെ മോട്ടോര്‍ സൈക്കിള്‍ സവാരി സ്വയം പകര്‍ത്തികൊണ്ടിരിക്കയായിരുന്നു.

ചുവപ്പ് ലൈറ്റിനെ ഗൗനിക്കാതെ ഓടിച്ചു പോകാന്‍ തുടങ്ങിയ ഒരു കാര്‍ തൊട്ടടുത്ത ലെയിനിലുണ്ടായിരുന്ന ഒരു എസ് യുവിയെ ഇടിച്ചു തെറിപ്പിച്ചു. ആ എസ് യുവി ചെന്ന് മറ്റൊരു കാറിലിടിച്ച ശേഷം തെറിച്ച് മറിഞ്ഞത് എലിസീയുടെ ബൈക്കിലേക്കായിരുന്നു. ഇതെല്ലാം എലിസീയുടെ ഗോപ്രോ റെക്കോര്‍ഡ് ചെയ്യുന്നുണ്ടായിരുന്നു. ആര്‍ക്കും ഗൗരവമുള്ള പരിക്കുകളൊന്നും പറ്റിയില്ല.

സാധാരണ ഗതിയില്‍ ധരിക്കാറുള്ള ഗ്ലൗസും ജാക്കറ്റും ഹെല്‍മറ്റുമൊക്കെയേ ധരിച്ചിരുന്നുള്ളൂ എന്നും ഏതായാലും ആംബുലന്‍സ് ഒന്നു വിളിക്കേണ്ടി വന്നില്ലെന്നും എലിസീ പറയുന്നു. മോട്ടോര്‍സൈക്കിളിനും സാരമായ കേടുപാടുകളൊന്നും പറ്റിയില്ല . ഫ്രെയിം സ്ലൈഡറുകള്‍ക്കു മാത്രമേ കേടു വന്നുള്ളൂ . ഇത്തരം അപകടങ്ങളില്‍ പെടുമ്പോള്‍ ഫ്രെയിം സ്ലൈഡറുകള്‍ എന്താണോ ചെയ്യേണ്ടത് അത് അവ ചെയ്തതിനാലാണ് ബൈക്കിന് വലിയ കേടൊന്നും ഉണ്ടാകാതിരുന്നത്. അപകട സ്ഥലത്ത് അല്പം പ്ലാസ്റ്റിക്കും ചില്ലുടഞ്ഞതും മാത്രമൊക്കെ ഉണ്ടായിരുന്നുള്ളൂവത്രേ.

ഏതായാലും എല്ലാ യാത്രയിലും ഹെല്‍മറ്റ് ഉപയോഗിക്കുന്നത് തന്റെ ശീലമാണെന്നും ഈ വര്‍ഷത്തിലെ രണ്ടാമത്തെ ഈ അപകടം കൂടി കഴിഞ്ഞതോടെ ഹെല്‍മറ്റ് ഇല്ലാതെ ബൈക്ക് യാത്ര ചെയ്യുക എന്നതിനേ കുറിച്ച് ചിന്തിക്കാന്‍ പോലും ശ്രമിക്കില്ലെന്നും എലീസി പറയുന്നു.