50 അടി മുകളിലൂടെ ഓടികൊണ്ടിരുന്ന ട്രെയിനില്‍ നിന്ന് നദിയിലേക്ക് സാഹസികചാട്ടമായിരുന്നു ലക്ഷ്യം; ഭാഗ്യത്തിന്റെ ആനുകൂല്യം ഉണ്ടായിരുന്നതുകൊണ്ട് ചാട്ടം ദുരന്തമായില്ല!
ഒരു ഓസ്‌ട്രേലിയന്‍ യുവാവ് നടത്തിയ സാഹസികതയുടെ ദൃശ്യങ്ങള്‍ കണ്ടാല്‍ ആരും ഞെട്ടിപ്പോകും.ഓടുന്ന ട്രെയിനിന് മുകളില്‍ നിന്ന് നദിയിലേക്ക് ചാടുകയായിരുന്നു ഉദ്ദേശം. പക്ഷേ അയാള്‍ മരണത്തില്‍ നിന്ന് രക്ഷപ്പെട്ടത് തലനാരിഴയ്ക്കാണ്.
ഫീമാന്റലിലയിലെ സ്വാന്‍ നദിക്ക് കുറുകെയുള്ള പാലത്തിന് മുകളിലെത്തിയപ്പോഴാണ് യുവാവ് ട്രെയിനിന് മുകളില്‍ നിന്ന് ചാടിയത്. നേരത്തെ തയ്യാറാക്കി നിര്‍ത്തിയിരുന്ന കാമറാ ടീമിന് നിര്‍ദേശങ്ങള്‍ നല്‍കിയ ശേഷമായിരുന്നു ചാട്ടം.
ചാട്ടത്തിന്റെ ടൈമിംഗ് അല്‍പ്പമൊന്ന് പിഴച്ചിരുന്നുവെങ്കില്‍ ഇയാള്‍ക്ക് മരണം വരെ സംഭവിക്കാമായിരുന്നു. 50 അടി മുകളില്‍ നിന്ന് ചാടിയ യുവാവ് പാലത്തിന്റെ കോണ്‍ക്രീറ്റ് തൂണിന് തൊട്ടുസമീപത്താണ് വന്നുവീണത്.
മരണത്തില്‍ നിന്ന് രക്ഷപ്പെട്ട യുവാവ് സോഷ്യല്‍ മീഡിയയില്‍ പങ്കുവെച്ച വീഡിയോ ഇതിനോടകം ഒരുലക്ഷത്തോളം പേരാണ് കണ്ടത്. വീഡിയോ വൈറലായെങ്കിലും യുവാവിന്റെ പ്രവര്‍ത്തിയെ വിമര്‍ശിക്കുന്ന കമന്റുകളാണ് വീഡിയോയ്‌ക്കൊപ്പമുള്ളത്.
(
https://www.facebook.com/Malayalivartha
