കോമണ്‍വെല്‍ത്ത് മത്സരത്തിനെത്തിയ മത്സരാര്‍ത്ഥികളോട് സ്വിമ്മിംഗ് പൂളിനുള്ളില്‍ നിന്നുകൊണ്ട് അഭിമുഖത്തിനു ശ്രമിക്കുന്ന ബിബിസി ചാനല്‍ സ്‌പോര്‍ട്‌സ് അവതാരകന്‍ കാല്‍ തെന്നി വെള്ളത്തിലേക്കു വീഴുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാകുന്നു.

നീന്തലില്‍ സമ്മാനം നേടിയ ഇംഗ്ലണ്ട് ടീം അംഗങ്ങളുമായി അഭിമുഖത്തിനൊരുങ്ങുകയായിരുന്നു മൈക് ബുഷെല്‍. മത്സരാര്‍ഥികള്‍ സ്വിമ്മിംഗ് പൂളിന്റെ കരയില്‍ വെള്ളത്തിലേക്കു കാലുമിട്ട് ഇരിക്കുമ്പോള്‍ ഇദ്ദേഹം വെള്ളത്തിലാണ് നിന്നത്. അഭിമുഖം ആരംഭിക്കുന്നതിനായി സംസാരിച്ചുകൊണ്ട് മുമ്പോട്ട് നീങ്ങിയ അവതാരകന്‍ പൊടുന്നനെ കാല്‍ തെന്നി  വെള്ളത്തിലേക്കു വീഴുകയായിരുന്നു.

എന്നാല്‍ ഉടന്‍ തന്നെ സമനില വീണ്ടെടുത്ത് അദ്ദേഹം തന്റെ അഭിമുഖം ആരംഭിക്കുന്നതും ദൃശ്യങ്ങളില്‍ വ്യക്തമാണ്. ബിബിസി തന്നെയാണ് ഈ വീഡിയോ ട്വീറ്റ് ചെയ്തത്.