സാധാരണ ബിവേറേജസ് കോര്‍പ്പറേഷന്റെ ഔട്ട് ലെറ്റില്‍ ക്യൂവില്‍ നിന്ന് പരസ്യമായി മദ്യം വാങ്ങാന്‍ എത്തുന്നത് പുരുഷന്മാരാണ്. എന്നാല്‍ കായംകുളത്ത് ഇന്നലെ ക്യൂ നിന്ന പുരുഷന്മാര്‍ ഞെട്ടി.

കായംകുളത്ത് ബിവറേജസ് ഔട്ട് ലെറ്റിലാണ് സംഭവം നടന്നത്. മദ്യം വാങ്ങാന്‍ പുരുഷന്മാര്‍ ഇവിടെ ക്യൂ നില്‍ക്കുകയായിരുന്നു. ക്യൂവിലേക്ക് ചുരിദാറും ഹെല്‍മറ്റും ഓവര്‍കോട്ടും ധരിച്ച് ടൗവല്‍ കൊണ്ട് മുഖത്തിന്റെ കുറച്ചു ഭാഗം മറച്ച് ഒരാള്‍ എത്തി. പുരുഷന്മാര്‍ ഇത് ആദ്യം ശ്രദ്ധിച്ചില്ല.

പിന്നീട് ഇവര്‍ ധരിച്ചിരുന്ന വസ്ത്രം കണ്ടാണ് ക്യൂവില്‍ നില്‍ക്കുന്നത് യുവതിയാണെന്നറിയുന്നത്. ഇതോടെ പുരുഷന്മാരുടെ ഭാഗത്തു നിന്നും ചില കമന്റുകള്‍ ഉയര്‍ന്നു. എന്നാല്‍ ഇതൊന്നും കാര്യമാക്കാതെ യുവതി ഒരു കുപ്പി വിസ്‌കിയും വാങ്ങി കൂളായി സ്‌കൂട്ടറില്‍ കയറി സ്ഥലം വിട്ടു.