ഫുട്പാത്തില്‍ കൂടി നടന്നുവരവേ ഒപ്പമുണ്ടായിരുന്നയാളെ ഓടിക്കൊണ്ടിരുന്ന ബസിന്റെ അടിയിലേക്കു മറ്റേയാള്‍ തള്ളിയിടുന്നതിന്റെ ഞെട്ടിക്കുന്ന ദൃശ്യങ്ങള്‍ പുറത്ത് വന്നു. പോളണ്ടിലാണ് സംഭവം.

ചക്രത്തിനു സമീപത്തേക്ക് വീണ ഈ യുവതി തലനാരിഴയ്ക്കാണ് രക്ഷപെട്ടത്. നിലത്തു നിന്നും എഴുന്നേറ്റു വന്ന യുവതി ഇവരെ ആലിംഗനം ചെയ്യുന്നത് ദൃശ്യങ്ങളില്‍ വ്യക്തമാണ്. സുഹൃത്തിനെ തള്ളിയിട്ട യുവതിയെ ചോദ്യം ചെയ്തപ്പോള്‍ ഒരു തമാശക്ക് താന്‍ ചെയ്താണെന്നാണ് ഉത്തരം നല്‍കിയത്.

അപകടത്തില്‍ ഇവര്‍ക്ക് പരിക്കേറ്റിട്ടില്ല. സുഹൃത്തിനെ നിലത്തേക്ക് തള്ളിയിട്ട യുവതിയില്‍ നിന്നും ഗതാഗതം തടസപ്പെടുത്തിയതിന് പിഴ ഈടാക്കിയിട്ടുണ്ട്.