ചിത്രശലഭ പാര്‍ക്കില്‍ നിന്ന് നീല ചിത്രശലഭം മോഷണം പോയി
അമേരിക്കയിലെ സിന്‍സിനാറ്റിയില്‍ കഴിഞ്ഞ ദിവസം നടന്ന ഒരു മോഷണം, ലോകത്തിന്റെ പല കോണുകളില്‍ നിന്നും ദിവസവും നമ്മള്‍ കേള്‍ക്കുന്ന മോഷണ വാര്‍ത്തകളേക്കാള്‍ ഒക്കെ അതിവിചിത്രമാണ്.
ഇവിടത്തെ ഒരു ചിത്രശലഭ പാര്‍ക്കില്‍നിന്ന് ഒരു ചിത്രശലഭം മോഷണം പോയിരിക്കുന്നു. അമേരിക്കയില്‍ മാത്രം കണ്ടുവരുന്ന വംശനാശ ഭീഷണി നേരിടുന്ന ഒരിനം നീല ചിത്രശലഭത്തെയാണ് ഈ പാര്‍ക്ക് കാണാനെത്തിയ ഒരു യുവതി മോഷ്ടിച്ചുകൊണ്ടുപോയത്.
പാര്‍ക്കിലെത്തുന്ന സന്ദര്‍ശകരുടെ ശരീരത്തില്‍ ചിത്രശലഭങ്ങള്‍ വന്നിരിക്കാറുണ്ട്. എന്നാല്‍ സന്ദര്‍ശന ശേഷം പുറത്തുപോകുന്നവരുടെ ദേഹത്ത് ചിത്രശഭങ്ങളൊന്നുമിരിപ്പില്ല എന്ന് ഉറപ്പാക്കിയിട്ടേ സുരക്ഷാ ഉദ്യോഗസ്ഥര് ഇവരെ പുറത്തുവിടാറുള്ളു.
എന്നാല്‍ കഴിഞ്ഞ ദിവസം പാര്‍ക്കിലെത്തിയ ഒരു യുവതി ഈ അപൂര്‍വ്വനീല ശലഭത്തെ പിടിച്ച് തന്റെ കുടയ്ക്കുള്ളിലാക്കി മുങ്ങുകയായിരുന്നു. പാര്‍ക്കിലെ സിസിടിവി ദൃശ്യങ്ങള്‍ പരിശോധിച്ചപ്പോഴാണ് മോഷണവിവരം പുറത്തറിഞ്ഞത്. യുവതിയെ തിരിച്ചറിയാന്‍ പോലീസിന് ഇതുവരെ കഴിഞ്ഞിട്ടില്ല.
https://www.facebook.com/Malayalivartha
