ഇതിനെ ഒക്കെയാണ് ആകാശത്തു കൂടി പോകുന്ന പണി തോട്ടിയിട്ടു പിടിച്ചു വാങ്ങുക എന്നു പറയുന്നത് . ഒരു ശല്ല്യവും ചെയ്യാതെ വെറുതെ ഇരുന്ന കുരങ്ങിനെ ഒരു യുവാവ് വെള്ളത്തിലേയ്ക്കു തള്ളിയിട്ടു. പകരം കിട്ടിയത് എട്ടിന്റെ പണി എന്നു പറഞ്ഞാല്‍ കുറഞ്ഞുപോകും, അതുക്കും മേലെയായിരുന്നു.

ചൈനയിലെ ഫ്യൂജിയാന്‍ പ്രവശ്യയിലുള്ള ക്ഷേത്രക്കുളത്തിലായിരുന്നു സംഭവം. യുവാവു കുളത്തിലേയ്ക്കു തള്ളിയിട്ട കുരങ്ങ് കണ്ണടച്ചു തുറക്കും മുമ്പ് കുളത്തില്‍ നിന്നു പാഞ്ഞു കയറി വന്നു യുവാവിനെ ഓടിക്കുകയായിരുന്നു.

പേടിച്ചരണ്ട യുവാവ് ഓടി ഒളിക്കുന്നതും വീഡിയോയില്‍ കാണാം. എന്തായാലും ഇപ്പോള്‍ ഈ കുരങ്ങാണ് സോഷ്യല്‍ മീഡയയിലെ താരം.