ചൈനയിലെ ഷിഷുവാന്‍ പ്രവിശ്യയില്‍ വമ്പന്‍ കൊതുകിനെ കണ്ടെത്തി. പ്രാണികളെക്കുറിച്ച് പഠനം നടത്തുന്ന ശാസ്ത്രജ്ഞന്മാരാണ് ചിറകുകള്‍ തമ്മില്‍ 11.15 സെന്റീമീറ്റര്‍ നീളമുള്ള വമ്പന്‍ കൊതുകിനെ കണ്ടെത്തിയത്.

ലോകത്ത് ഇതുവരെ കണ്ടെത്തിയതില്‍ വച്ച് ഏറ്റവും വലിയ കൊതുകു വര്‍ഗമാണിത്. ഷിഷുവാന്‍ പ്രവിശ്യയിലുള്ള ക്വിന്‍ ചെന്‍ഗ് എന്ന പര്‍വ്വതത്തിലാണ് ഇവ കാണപ്പെടുന്നത്. സാധാരണ ചെറിയ കൊതുകുകളെപ്പോലെ ഇവ രക്തം ഊറ്റിക്കുടിച്ചല്ല ജീവിക്കുന്നത്. ചെടികളുടെ തണ്ടുകളിലുള്ള നീരും പൂക്കളിലെ തേനുമാണ് ഇവയുടെ ആഹാരം. രണ്ടു മുതല്‍ മൂന്നു ദിവസംവരെയാണ് ഇവയുടെ ആയുസ്.

ലോകത്ത് പതിനായിരക്കണക്കിന് കൊതുകു വര്‍ഗങ്ങളുണ്ടെന്നാണ് കണക്കാക്കുന്നത്. അവയില്‍ നൂറില്‍ താഴെ മാത്രമെ മനുഷ്യരക്തം കുടിക്കുകയും മനുഷ്യന് ഉപദ്രവം വരുത്തിവയ്ക്കുകയും ചെയ്യുന്നുള്ളു.