നിങ്ങളുടെ ഒപ്പിട്ടു തരും, ഈ യന്ത്രം!
ഒപ്പിട്ടു മടുക്കുന്നവരില്ലേ.. സാധാരണക്കാരുടെ കാര്യമല്ല പറയുന്നത്. ആയിരക്കണക്കിന് ആരാധകര്‍ക്ക് ഓട്ടോഗ്രാഫില്‍ ഒപ്പിടേണ്ടിവരുന്നവര്‍,ഓരോ നിമിഷവും നിരവധി രേഖകളില്‍ ഒപ്പിടേണ്ടിവരുന്ന വ്യവസായ പ്രമുഖര്‍, ഉന്നത ഉദ്യോഗസ്ഥര്‍ ഇങ്ങനെയുള്ളവരെ സഹായിക്കാന്‍ ഒപ്പിടല്‍ യന്ത്രവുമായി രംഗത്തെത്തിയിരിക്കുകയാണ് സ്വിസ് വാച്ച് നിര്‍മാണക്കമ്പനിയായ ജാക്വറ്റ് ഡ്രോസ്.
യന്ത്രത്തിന്റെ ചാര്‍ജ് തീരുന്നതുവരെ പരിധിയില്ലാതെ ഒപ്പിടാന്‍ സാധിക്കും. റീചാര്‍ജ് ബാറ്ററി ഉപയോഗിച്ചിരിക്കുന്നതിനാല്‍ ചാര്‍ജ് തീരുന്നതിനനുസരിച്ചു റീചാര്‍ജ് ചെയ്ത് ഉപയോഗിക്കാം. പോക്കറ്റില്‍ കൊള്ളാവുന്ന വലിപ്പമേയുള്ളൂ എന്നതിനാല്‍ യാത്രകളിലും ഉപയോഗിക്കാമെന്ന പ്രത്യേകതയുമുണ്ട്. എന്നാല്‍്, യന്ത്രം വാങ്ങാനാഗ്രഹിക്കുന്നവര്‍ ഒരു മാസം മുമ്പെങ്കിലും തങ്ങളുടെ ഒപ്പിന്റെ സാമ്പിള്‍ കാണിക്കണം.
സാമ്പിള്‍ കണ്ടശേഷം ആ രീതിയില്‍ ഒപ്പിടുന്നതിനുള്ള യന്ത്രം നിര്‍മിക്കുകയാണ് ചെയ്യുന്നത്. യന്ത്രം മോഷണം പോയാല്‍ പണി പാളുമല്ലോ എന്ന പേടിയുള്ളവരോടു കമ്പനി പറയുന്നത് ഒട്ടും പേടിവേണ്ടെന്നാണ്. ഉടമയുടെ ഫിംഗര്‍പ്രിന്റ് സ്‌കാന്‍ ചെയ്താല്‍ മാത്രമേ യന്ത്രം പ്രവര്‍ത്തിക്കൂ...
https://www.facebook.com/Malayalivartha
