ഒഎല്‍എക്‌സില്‍ വില്‍പ്പനയ്ക്ക് വച്ചത് മോഷ്ടിച്ച ബൈക്ക്! യുവാവ് അറസ്റ്റില്‍
മോഷ്ടിച്ച ബൈക്ക് ഒഎല്‍എക്‌സില്‍ വില്‍പ്പനയ്ക്ക് വച്ച യുവാവ് അറസ്റ്റിലായി. കൊണ്ടോട്ടി കിഴക്കേ അപ്പാര്‍ട്ട്‌മെന്റില്‍ ഹക്കീം റഹ്മാന്‍ (21) ആണ് അറസ്റ്റിലായത്.
മഞ്ചേരി, വള്ളുവമ്പ്രം പൂക്കോട്ടൂര്‍ മേഖലകളില്‍ നിന്ന് കഴിഞ്ഞ ആറ് മാസത്തിനിടെ നാല് ബൈക്കുകള്‍ മോഷണം പോയിരുന്നു. മോഷ്ടിക്കപ്പെട്ട ബൈക്കുകള്‍ക്കായി അന്വേഷണം പുരോഗമിച്ചു കൊണ്ടിരിക്കവേയാണ് ഇവ ഒ.എല്‍.എക്‌സില്‍ ഇവ വില്‍പ്പനയ്ക്ക് വച്ചിരിക്കുന്നതായി വിവരം ലഭിച്ചത്.
ആവശ്യക്കാരെന്ന വ്യാജേന, പോലീസ് ഹക്കീമിനെ സമീപിച്ച് കുടുക്കുകയായിരുന്നു. വില പറഞ്ഞ് ഉറപ്പിച്ച ശേഷം നേരത്തെ പറഞ്ഞുവച്ച സ്ഥലത്ത് ബൈക്കുമായി എത്താന്‍ ഹക്കീമിനോട് പറയുകയും അവിടെ എത്തിയപ്പോള്‍ അറസ്റ്റ് ചെയ്യുകയുമായിരുന്നു.
മോഷ്ടിച്ച ബൈക്കുകളിലാണ് ഹക്കീം സഞ്ചരിച്ചിരുന്നത്. മഞ്ചേരി സി.ഐ എന്‍.ബി ബൈജു. എസ്.ഐമാരായ ജലീല്‍, ഷാജിമോന്‍ എന്നിവരുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.
https://www.facebook.com/Malayalivartha
