ഡുറിയന്‍ ഫലം വീട്ടിലെ വളര്‍ത്തു പൂച്ചക്ക് തിന്നാന്‍ പാകത്തില്‍ വൃത്തിയാക്കി കൊണ്ട് വന്നു കൊടുത്തതാണ്. ബെയ്ജിംഗിലെ ഒരു വീട്ടില്‍ നിന്നും പകര്‍ത്തിയ ദൃശ്യങ്ങളാണ് ഇത്.

തനിക്ക് തിന്നാന്‍ തന്ന ഭക്ഷണം തിന്നാനെത്തിയ പൂച്ചയ്ക്ക് അതിന്റെ മണം കിട്ടിയപ്പോഴേ മനം മടുത്തെന്ന് മനസ്സിലാകും. പുറകിലേക്ക് മറിഞ്ഞ് ബോധം പോകുന്ന നിലയിലെത്തി എന്ന് പറഞ്ഞാല്‍ മതിയല്ലോ!

ഡൂഡു എന്ന തന്റെ വളര്‍ത്തു പൂച്ചക്ക് ഈ പഴം തിന്നാന്‍ നല്‍കിയത് അതിന്റെ ഉടമയായ നിയു ഷിയാവോയാവോ തന്നെ ആണ്. 

ഈ ഫലം തിന്നാന്‍ കൊടുത്താല്‍ തന്റെ വളര്‍ത്തു പൂച്ച എങ്ങനെ പ്രതികരിക്കുമെന്നറിയാനാണ് താന്‍ ഈ ഫലം കൊടുത്തു നോക്കിയതെന്നാണ് പൂച്ചയുടെ ഉടമ പറയുന്നത്.

ആര്‍ക്കും സഹിക്കാനാവാത്ത വല്ലാത്ത ഗന്ധമാണ് ഈ ഫലത്തിനുള്ളത്. അടുത്തിടെ ഓസ്‌ട്രേലിയയിലെ ഒരു കോളേജില്‍ നിന്നും ഗ്യാസ് ലീക് ചെയ്യുന്ന പോലുള്ള മണം വരുന്നെന്ന് മനസ്സിലാക്കി വിദ്യാര്‍ത്ഥികളെ മുഴുവന്‍ ഒഴിപ്പിച്ചു പരിശോധന നടത്തിയിരുന്നു. ഒടുവില്‍ കോളേജിലെ ലൈബ്രറിയുടെ ഒരു ഷെല്‍ഫില്‍ ഇരുന്ന ഡുരിയന്‍ ഫലമാണ് ആ ഗന്ധത്തിനിടയാക്കിയതെന്ന് കണ്ടെത്തുകയായിരുന്നു.