ഡല്‍ഹി നേതാജി സുഭാഷ് ഇന്‍സ്റ്റിറ്റിയൂട്ട് ഓഫ് ടെക്‌നോളജിയിലെ ലേഡീസ് ഹോസ്റ്റലിന്റെ ബാത്ത് റൂം ഉപയോഗിക്കാനെത്തിയ പെണ്‍കുട്ടികള്‍ നിലവിളിച്ചു കൊണ്ടോടി. പുറകിലെ വാതിലില്‍ കൂടി കയറിയത് വിഷമുള്ള ഉടുമ്പ് വിഭാഗത്തില്‍പ്പെട്ട വലിയ ജീവിയായിരുന്നു.

ബാത്‌റൂമിലെ വാഷ് ബേസിന് മുകളില്‍ ജീവി ഇരിപ്പുറപ്പിച്ചു. അത് കണ്ട പെണ്‍കുട്ടികള്‍ പേടിച്ച് കരഞ്ഞു കൊണ്ട് ഓടി. ഏതു നിമിഷവും മുറിയിലേയ്ക്ക് വരാമെന്ന ഭയത്താല്‍ ഹോസ്റ്റല്‍ മുഴുവനും ഭയന്നിരിക്കുകയായിരുന്നു. ഉടുമ്പിന്റെ വലിപ്പവും വിഷമുള്ളതാണെന്ന വിവരവുമാണ് ഏവരേയും ഭയപ്പെടുത്തിയത്.

പിന്നീട് ബാത്‌റൂം പുറത്തു നിന്ന് പൂട്ടി. വനം വകുപ്പിനെ വിവരം അറിയിച്ചു. മണിക്കൂറുകള്‍ക്ക് ശേഷം അധികൃതരെത്തിയാണ് ഉടുമ്പിനെ പിടിച്ചു കൊണ്ടു പോയത്. പരിസരത്ത് കൂടുതല്‍ ഉടുമ്പുകള്‍ ഉണ്ടോ എന്ന് പരിശോധിച്ചു കൊണ്ടിരിക്കുകയാണ്.