കീരിപുറം നാന്‍സ് മന്‍സിലില്‍ നൗഷാദും കുടുംബവും ഒരു പരുന്തിനെ ഭയന്ന് പുറത്തിറങ്ങാനാകാതെ കഴിയുകയാണ്. ശല്യക്കാരനായ പരുന്തിനെ പിടികൂടാന്‍ വനം വകുപ്പ് ഉദ്യോഗസ്ഥരെ വിളിച്ചു വരുത്തി.

വീട്ടിലുള്ളവര്‍ പുറത്തിറങ്ങുമ്പോള്‍ പരുന്ത് ആക്രമിക്കാന്‍ എത്തും. വീടിന്റെ ടെറസിലും മുന്‍വശത്തു ഗേറ്റിലും സമീപത്തെ മരങ്ങളിലുമാണ് പരുന്തിന്റെ വാസം.

വഴിയാത്രക്കാരായ സ്‌കൂള്‍ കുട്ടികളെയും ആക്രമിക്കാന്‍ തുടങ്ങി. കുട്ടികള്‍ പോകുമ്പോള്‍ പറന്നെത്തി ചിറക് കൊണ്ടു തട്ടിയിടാനുള്ള ശ്രമമാണു നടത്തുന്നത്. പരിഭ്രാന്ത്രിയിലായ വീട്ടുകാര്‍ അഞ്ചല്‍ വനം റേഞ്ച് ഉദ്യോഗസ്ഥരെ വിവരം അറിയിച്ചു.

ഇന്നലെ വൈകിട്ട് ഉദ്യോഗസ്ഥര്‍ എത്തി പരുന്തിനെ പിടികൂടാനുള്ള ശ്രമം നടത്തി. ഉദ്യോഗസ്ഥരെ കണ്ട് സമീപത്തെ പ്ലാവിലിരിന്ന പരുന്ത് പറന്നുപോയി. പരുന്ത് വീണ്ടും വരുന്നത് കാത്തിരിക്കുകയാണ് ഉദ്യോഗസ്ഥര്‍.