ചൈനയിലെ ഹെജിയാംഗ് പ്രവശ്യയിലെ ഹാംഗ്‌സ്ഹുവില്‍ ഒരു ബഹുനില കെട്ടിടത്തിന്റെ മുകളില്‍ നിന്ന് താഴേക്കു വീണ കുട്ടിയെ സമീപമുണ്ടായിരുന്നവര്‍ സാഹസികമായി രക്ഷിക്കുന്നതിന്റെ ദൃശ്യങ്ങള്‍ നവമാധ്യമങ്ങളില്‍ കത്തിക്കയറുന്നു.

കെട്ടിടത്തിന്റെ ആറാം നിലയിലായിരുന്ന കുട്ടി പിടിവിട്ട് നിലംപതിക്കുമെന്ന് മനസിലാക്കിയ താഴയുണ്ടായിരുന്നവര്‍, ഒരുമിച്ച് വലിയൊരു തുണി വിരിച്ചു പിടിച്ചു. നിമിഷങ്ങള്‍ക്കകം തന്നെ പിടിവിട്ട് താഴേക്ക് വീണ കുട്ടി സുരക്ഷിതമായി ഈ തുണിയിലേക്കു വീഴുകയായിരുന്നു.

അപകടത്തില്‍ ഈ കുട്ടിക്കും രക്ഷാപ്രവര്‍ത്തനത്തിലേര്‍പ്പെട്ട മറ്റൊരാള്‍ക്കും നിസാരമായ പരിക്കുപറ്റി. സമീപത്തെ സിസിടിവിയില്‍ പതിഞ്ഞ ദൃശ്യങ്ങള്‍ കാണുമ്പോള്‍ തന്നെ നെഞ്ചിടിപ്പ് കൂടും.