ഒരു ചൈനീസ് റെസ്റ്ററന്റിലെ സൂപ്പിന്റെ ഭാഗമാകുന്നതില്‍ നിന്നും രക്ഷപ്പെടാന്‍ കഴിഞ്ഞ ഒരു കൊഞ്ചിന്റെ വീഡിയോ ദൃശ്യങ്ങള്‍ ഇപ്പോള്‍ വൈറല്‍ ആകുകയാണ്.

ആ കൊഞ്ചിനെ സൂപ്പ് ആക്കുക ആയിരുന്നു ആ റെസ്റ്ററന്റ് . എന്നാല്‍ അതിനോടൊപ്പമുള്ള മറ്റു കൊഞ്ചുകളെല്ലാം തീയില്‍ വെന്തു പാകമായപ്പോഴും ഇവന്‍ എങ്ങനെയോ പിടിച്ചു നിന്നു. ഒടുവില്‍ സൂപ്പ് പാകപ്പെടുത്തി എടുത്തതിനു ശേഷം ഇനി ആവശ്യക്കാര്‍ക്ക് വിളമ്പി കൊടുക്കേണ്ട ഘട്ടം മാത്രമേ ബാക്കിയുണ്ടായിരുന്നുള്ളൂ.

അപ്പോഴാണ് ജിയ്കു ആ കാഴ്ച കണ്ടത്. ആ പാത്രത്തിന്റെ വാക്കിലൂടെ ഊര്‍ന്നിറങ്ങാല്‍ ശ്രമിക്കുക ആണ് ഒരു കൊഞ്ച്. ഉടന്‍ തന്നെ അയാള്‍ അത് റെക്കോര്‍ഡ് ചെയ്തു. ആ കൊഞ്ച് പത്രത്തിന് വെളിയിലേക്ക് ഇറങ്ങാന്‍ ശ്രമിച്ചപ്പോള്‍ ചൂട് സൂപ്പിനുള്ളില്‍ കിടന്നു വെന്തു മരവിച്ചു പോയ ഒരു ക്‌ളോ, എത്ര വലിച്ചിട്ടും പാത്രത്തിന് പുറത്തേക്കു വരുന്നില്ല.

പിന്നെ അവന്‍ അധികം ഒന്നും ആലോചിച്ചില്ല. ആ വറചട്ടിയിലെ ചൂടില്‍ അധിക നേരം കഴിച്ചു കൂട്ടാന്‍ അവനു കഴിയുമായിരുന്നില്ല. എങ്ങനെയും ജീവന്‍ രക്ഷപ്പെടുത്തി എടുക്കണം എന്ന ഉദ്ദേശ്യമേ ഉണ്ടായിരുന്നുള്ളൂ. അതിന്, ചലന ശേഷി നഷ്ടമായ തന്റെ ശരീരഭാഗം ഉപേക്ഷിക്കണമായിരുന്നു. അവനെ സഹായിക്കാന്‍ ആരും എത്തില്ല എന്ന് അവന് അറിയാമായിരുന്നു . അതിനാല്‍ പിന്നൊന്നും ആലോചിച്ചില്ല. തന്റെ മൂര്‍ച്ചയുള്ള കൊമ്പു കൊണ്ട് ആ ഭാഗം അവന്‍ തന്നെ മുറിച്ചു സൂപ്പിലിട്ടിട്ട് പുറത്തേക്ക് പുറപ്പെട്ടു.

ഇതൊക്കെ കണ്ട് റെക്കോര്‍ഡ് ചെയ്ത ജിയുകെയ്ക്ക് ജീവിക്കാനായി ഇത്ര പാട് പെടുന്ന അവനെ തള്ളി കളയാന്‍ തോന്നിയില്ല. അയാള്‍ അതിനെ 'ദത്തെടുത്ത് ' വീട്ടിലെ അക്വേറിയത്തില്‍ കൊണ്ട് പോയി വളര്‍ത്തുകയാണത്രെ.